7.26

सशृङ्गवेरं युञ्जीत तित्तिरिप्रतिभोजनम्

saśṛṅgaveraṃ yuñjīta tittiripratibhojanam

7.26.2

तृष्यते चाति बलवद् वातपित्ते समुद्धते

tṛṣyate cāti balavad vātapitte samuddhate

7.27

दद्याद् द्राक्षारसं पानं शीतं दोषानुलोमनम्

dadyād drākṣārasaṃ pānaṃ śītaṃ doṣānulomanam

7.27.2

जीर्णे ऽद्यान्मधुराम्लेन छागमांसरसेन च

jīrṇe 'dyānmadhurāmlena chāgamāṃsarasena ca

7.28

तृष्यल्पशः पिबेन् मद्यं मदं रक्षन् बहूदकम्

tṛṣyalpaśaḥ piben madyaṃ madaṃ rakṣan bahūdakam

7.28.2

मुस्तदाडिमलाजाम्बु जलं वा पर्णिनीशृतम्

mustadāḍimalājāmbu jalaṃ vā parṇinīśṛtam

7.29

पाटल्युत्पलकन्दैर् वा स्वभावाद् एव वा हिमम्

pāṭalyutpalakandair vā svabhāvād eva vā himam

7.29.2

मद्यातिपानाद् अब्धातौ क्षीणे तेजसि चोद्धते

madyātipānād abdhātau kṣīṇe tejasi coddhate

7.30

यः शुष्कगलताल्वोष्ठो जिह्वां निष्कृष्य चेष्टते

yaḥ śuṣkagalatālvoṣṭho jihvāṃ niṣkṛṣya ceṣṭate

7.30.2

पाययेत् कामतो ऽम्भस् तं निशीथपवनाहतम्

pāyayet kāmato 'mbhas taṃ niśīthapavanāhatam

7.31

कोलदाडिमवृक्षाम्लचुक्रीकाचुक्रिकारसः

koladāḍimavṛkṣāmlacukrīkācukrikārasaḥ

7.31.2

पञ्चाम्लको मुखालेपः सद्यस् तृष्णां नियच्छति

pañcāmlako mukhālepaḥ sadyas tṛṣṇāṃ niyacchati

7.32

त्वचं प्राप्तश्च पानोष्मा पित्तरक्ताभिमूर्छितः

tvacaṃ prāptaśca pānoṣmā pittaraktābhimūrchitaḥ

7.32.2

दाहं प्रकुरुते घोरं तत्रातिशिशिरो विधिः

dāhaṃ prakurute ghoraṃ tatrātiśiśiro vidhiḥ

7.33

अशाम्यति रसैस् तृप्ते रोहिणीं व्यधयेत् सिराम्

aśāmyati rasais tṛpte rohiṇīṃ vyadhayet sirām

7.33.2

उल्लेखनोपवासाभ्यां जयेच्छ्लेष्मोल्बणं पिबेत्

ullekhanopavāsābhyāṃ jayecchleṣmolbaṇaṃ pibet

7.34

शीतं शुण्ठीस्थिरोदीच्यदुःस्पर्शान्यतमोदकम्

śītaṃ śuṇṭhīsthirodīcyaduḥsparśānyatamodakam

7.34.2

निरामं क्षुधितं काले पाययेद् बहुमाक्षिकम्

nirāmaṃ kṣudhitaṃ kāle pāyayed bahumākṣikam

7.35

शार्करं मधु वा जीर्णम् अरिष्टं सीधुम् एव वा

śārkaraṃ madhu vā jīrṇam ariṣṭaṃ sīdhum eva vā

7.35.2

रूक्षतर्पणसंयुक्तं यवानीनागरान्वितम्

rūkṣatarpaṇasaṃyuktaṃ yavānīnāgarānvitam

Aṣṭāṅgahṛdayasaṃhitā