3.3.2

अतितीक्ष्णोष्णलवणम् अहृद्यम् अतिभूरि वा

atitīkṣṇoṣṇalavaṇam ahṛdyam atibhūri vā

3.4

तत्र पूर्वोदिता व्यापत् सिद्धिश्च न तथापि चेत्

tatra pūrvoditā vyāpat siddhiśca na tathāpi cet

3.4.2

आशये तिष्ठति ततस्तृतीयं नावचारयेत्

āśaye tiṣṭhati tatastṛtīyaṃ nāvacārayet

3.5

अन्यत्र सात्म्याद्धृद्याद् वा भेषजान्निरपायतः

anyatra sātmyāddhṛdyād vā bheṣajānnirapāyataḥ

3.5.2

अस्निग्धस्विन्नदेहस्य पुराणं रूक्षम् औषधम्

asnigdhasvinnadehasya purāṇaṃ rūkṣam auṣadham

3.6

दोषान् उत्क्लेश्य निर्हर्तुम् अशक्तं जनयेद् गदान्

doṣān utkleśya nirhartum aśaktaṃ janayed gadān

3.6.2

विभ्रंशं श्वयथुं हिध्मां तमसो दर्शनं तृषम्

vibhraṃśaṃ śvayathuṃ hidhmāṃ tamaso darśanaṃ tṛṣam

3.7

पिण्डिकोद्वेष्टनं कण्डूम् ऊर्वोः सादं विवर्णताम्

piṇḍikodveṣṭanaṃ kaṇḍūm ūrvoḥ sādaṃ vivarṇatām

3.7.2

स्निग्धस्विन्नस्य वात्यल्पं दीप्ताग्नेर् जीर्णम् औषधम्

snigdhasvinnasya vātyalpaṃ dīptāgner jīrṇam auṣadham

3.8

शीतैर् वा स्तब्धम् आमे वा समुत्क्लेश्याहरन्मलान्

śītair vā stabdham āme vā samutkleśyāharanmalān

3.8.2

तान् एव जनयेद् रोगान् अयोगः सर्व एव सः

tān eva janayed rogān ayogaḥ sarva eva saḥ

3.9

तं तैललवणाभ्यक्तं स्विन्नं प्रस्तरसंकरैः

taṃ tailalavaṇābhyaktaṃ svinnaṃ prastarasaṃkaraiḥ

3.9.2

निरूढः जाङ्गलरसैर् भोजयित्वानुवासयेत्

nirūḍhaḥ jāṅgalarasair bhojayitvānuvāsayet

3.10

फलमागधिकादारुसिद्धतैलेन मात्रया

phalamāgadhikādārusiddhatailena mātrayā

3.10.2

स्निग्धं वातहरैः स्नेहैः पुनस्तीक्ष्णेन शोधयेत्

snigdhaṃ vātaharaiḥ snehaiḥ punastīkṣṇena śodhayet

3.11

बहुदोषस्य रूक्षस्य मन्दाग्नेर् अल्पम् औषधम्

bahudoṣasya rūkṣasya mandāgner alpam auṣadham

3.11.2

सोदावर्तस्य चोत्क्लेश्य दोषान्मार्गान्निरुध्य तैः

sodāvartasya cotkleśya doṣānmārgānnirudhya taiḥ

3.12

भृशम् आध्मापयेन्नाभिं पृष्ठपार्श्वशिरोरुजम्

bhṛśam ādhmāpayennābhiṃ pṛṣṭhapārśvaśirorujam

3.12.2

श्वासं विण्मूत्रवातानां सङ्गं कुर्याच्च दारुणम्

śvāsaṃ viṇmūtravātānāṃ saṅgaṃ kuryācca dāruṇam

3.13

अभ्यङ्गस्वेदवर्त्यादि सनिरूहानुवासनम्

abhyaṅgasvedavartyādi sanirūhānuvāsanam

Aṣṭāṅgahṛdayasaṃhitā