9.4.2

न स्रंसते चलति वा वर्त्मैवं सर्वतस् ततः

na sraṃsate calati vā vartmaivaṃ sarvatas tataḥ

9.5

मण्डलाग्रेण तत् तिर्यक् कृत्वा शस्त्रपदाङ्कितम्

maṇḍalāgreṇa tat tiryak kṛtvā śastrapadāṅkitam

9.5.2

लिखेत् तेनैव पत्त्रैर् वा शाकशेफालिकादिजैः

likhet tenaiva pattrair vā śākaśephālikādijaiḥ

9.6

फेनेन तोयराशेर् वा पिचुना प्रमृजन्न् असृक्

phenena toyarāśer vā picunā pramṛjann asṛk

9.6.2

स्थिते रक्ते सुलिखितं सक्षौद्रैः प्रतिसारयेत्

sthite rakte sulikhitaṃ sakṣaudraiḥ pratisārayet

9.7

यथास्वम् उक्तैरनु च प्रक्षाल्योष्णेन वारिणा

yathāsvam uktairanu ca prakṣālyoṣṇena vāriṇā

9.7.2

घृतेन सिक्तम् अभ्यक्तं बध्नीयान् मधुसर्पिषा

ghṛtena siktam abhyaktaṃ badhnīyān madhusarpiṣā

9.8

ऊर्ध्वाधः कर्णयोर् दत्त्वा पिण्डीं च यवसक्तुभिः

ūrdhvādhaḥ karṇayor dattvā piṇḍīṃ ca yavasaktubhiḥ

9.8.2

द्वितीये ऽहनि मुक्तस्य परिषेकं यथायथम्

dvitīye 'hani muktasya pariṣekaṃ yathāyatham

9.9

कुर्याच्चतुर्थे नस्यादीन् मुञ्चेद् एवाह्नि पञ्चमे

kuryāccaturthe nasyādīn muñced evāhni pañcame

9.9.2

समं नखनिभं शोफकण्डूघर्षाद्यपीडितम्

samaṃ nakhanibhaṃ śophakaṇḍūgharṣādyapīḍitam

9.10

विद्यात् सुलिखितं वर्त्म लिखेद् भूयो विपर्यये

vidyāt sulikhitaṃ vartma likhed bhūyo viparyaye

9.10.2

रुक्पक्ष्मवर्त्मसदनस्रंसनान्यतिलेखनात्

rukpakṣmavartmasadanasraṃsanānyatilekhanāt

9.11

स्नेहस्वेदादिकस् तस्मिन्न् इष्टो वातहरः क्रमः

snehasvedādikas tasminn iṣṭo vātaharaḥ kramaḥ

9.11.2

अभ्यज्य नवनीतेन श्वेतलोध्रं प्रलेपयेत्

abhyajya navanītena śvetalodhraṃ pralepayet

9.12

एरण्डमूलकल्केन पुटपाके पचेत् ततः

eraṇḍamūlakalkena puṭapāke pacet tataḥ

9.12.2

स्विन्नं प्रक्षालितं शुष्कं चूर्णितं पोटलीकृतम्

svinnaṃ prakṣālitaṃ śuṣkaṃ cūrṇitaṃ poṭalīkṛtam

9.13

स्त्रियाः क्षीरे छगल्या वा मृदितं नेत्रसेचनम्

striyāḥ kṣīre chagalyā vā mṛditaṃ netrasecanam

9.13.2

शालितण्डुलकल्केन लिप्तं तद्वत् परिष्कृतम्

śālitaṇḍulakalkena liptaṃ tadvat pariṣkṛtam

9.14

कुर्यान् नेत्रे ऽतिलिखिते मृदितं दधिमस्तुना

kuryān netre 'tilikhite mṛditaṃ dadhimastunā

Aṣṭāṅgahṛdayasaṃhitā