4.31.2

केवलं शृतशीतं वा दद्यात्तोयं पिपासवे

kevalaṃ śṛtaśītaṃ vā dadyāttoyaṃ pipāsave

4.32

ऊर्ध्वगे तर्पणं पूर्वं पेयां पूर्वमधोगते

ūrdhvage tarpaṇaṃ pūrvaṃ peyāṃ pūrvamadhogate

4.32.2

कालसात्म्यानुबन्धज्ञो दद्यात् प्रकृतिकल्पवित्

kālasātmyānubandhajño dadyāt prakṛtikalpavit

4.33

जलं खर्जूरमृद्वीकामधूकैः सपरूषकैः

jalaṃ kharjūramṛdvīkāmadhūkaiḥ saparūṣakaiḥ

4.33.2

शृतशीतं प्रयोक्तव्यं तर्पणार्थे सशर्करम्

śṛtaśītaṃ prayoktavyaṃ tarpaṇārthe saśarkaram

4.34

तर्पणं सघृतक्षौद्रं लाजचूर्णैः प्रदापयेत्

tarpaṇaṃ saghṛtakṣaudraṃ lājacūrṇaiḥ pradāpayet

4.34.2

ऊर्ध्वगं रक्तपित्तं तत् पीतं काले व्यपोहति

ūrdhvagaṃ raktapittaṃ tat pītaṃ kāle vyapohati

4.35

मन्दाग्नेरम्लसात्म्याय तत् साम्लमपि कल्पयेत्

mandāgneramlasātmyāya tat sāmlamapi kalpayet

4.35.2

दाडिमामलकैर्विद्वानम्लार्थं चानुदापयेत्

dāḍimāmalakairvidvānamlārthaṃ cānudāpayet

4.36

शालिषष्टिकनीवारकोरदूषप्रशान्तिकाः

śāliṣaṣṭikanīvārakoradūṣapraśāntikāḥ

4.36.2

श्यामाकश्च प्रियङ्गुश्च भोजनं रक्तपित्तिनाम्

śyāmākaśca priyaṅguśca bhojanaṃ raktapittinām

4.37

मुद्गा मसूराश्चणकाः समकुष्ठाढकीफलाः

mudgā masūrāścaṇakāḥ samakuṣṭhāḍhakīphalāḥ

4.37.2

प्रशस्ताः सूपयूषार्थे कल्पिता रक्तपित्तिनाम्

praśastāḥ sūpayūṣārthe kalpitā raktapittinām

4.38

पटोलनिम्बवेत्राग्रप्लक्षवेतसपल्लवाः

paṭolanimbavetrāgraplakṣavetasapallavāḥ

4.38.2

किराततिक्तकं शाकं गण्डीरः सकठिल्लकः

kirātatiktakaṃ śākaṃ gaṇḍīraḥ sakaṭhillakaḥ

4.39

कोविदारस्य पुष्पाणि काश्मर्यस्याथ शाल्मलेः

kovidārasya puṣpāṇi kāśmaryasyātha śālmaleḥ

4.39.2

अन्नपानविधौ शाकं यच्चान्यद्रक्तपित्तनुत्

annapānavidhau śākaṃ yaccānyadraktapittanut

4.40

शाकार्थं शाकसात्म्यानां तच्छस्तं रक्तपित्तिनाम्

śākārthaṃ śākasātmyānāṃ tacchastaṃ raktapittinām

4.40.2

स्विन्नं वा सर्पिषा भृष्टं यूषवद्वा विपाचितम्

svinnaṃ vā sarpiṣā bhṛṣṭaṃ yūṣavadvā vipācitam

4.41

पारावतान् कपोतांश्च लावान् रक्ताक्षवर्तकान्

pārāvatān kapotāṃśca lāvān raktākṣavartakān

Carakasaṃhitā