1.4.65

इत्यग्निवेशकृते तन्त्रे चरकप्रतिसंस्कृते चिकित्सितस्थाने रसायनाध्याये आयुर्वेदसमुत्थानीयो नाम रसायनपादश्चतुर्थः

ityagniveśakṛte tantre carakapratisaṃskṛte cikitsitasthāne rasāyanādhyāye āyurvedasamutthānīyo nāma rasāyanapādaścaturthaḥ

2.1.1

अथातः संयोगशरमूलीयं वाजीकरणपादं व्याख्यास्यामः

athātaḥ saṃyogaśaramūlīyaṃ vājīkaraṇapādaṃ vyākhyāsyāmaḥ

2.1.2

इति ह स्माह भगवानात्रेयः

iti ha smāha bhagavānātreyaḥ

2.1.3

वाजीकरणम् अन्विच्छेत् पुरुषो नित्यमात्मवान्

vājīkaraṇam anvicchet puruṣo nityamātmavān

2.1.3.2

तदायत्तौ हि धर्मार्थौ प्रीतिश्च यश एव च

tadāyattau hi dharmārthau prītiśca yaśa eva ca

2.1.4

पुत्रस्यायतनं ह्य् एतद्गुणाश्चैते सुताश्रयाः

putrasyāyatanaṃ hy etadguṇāścaite sutāśrayāḥ

2.1.4.2

वाजीकरणम् अग्र्यं च क्षेत्रं स्त्री या प्रहर्षिणी

vājīkaraṇam agryaṃ ca kṣetraṃ strī yā praharṣiṇī

2.1.5

इष्टा ह्य् एकैकशो ऽप्य् अर्थाः परं प्रीतिकराः स्मृताः

iṣṭā hy ekaikaśo 'py arthāḥ paraṃ prītikarāḥ smṛtāḥ

2.1.5.2

किं पुनः स्त्रीशरीरे ये संघातेन प्रतिष्ठिताः

kiṃ punaḥ strīśarīre ye saṃghātena pratiṣṭhitāḥ

2.1.6

संघातो हीन्द्रियार्थानां स्त्रीषु नान्यत्र विद्यते

saṃghāto hīndriyārthānāṃ strīṣu nānyatra vidyate

2.1.6.2

स्त्र्याश्रयो हीन्द्रियार्थो यः स प्रीतिजननोऽधिकम्

stryāśrayo hīndriyārtho yaḥ sa prītijanano'dhikam

2.1.6.3

स्त्रीषु प्रीतिर्विशेषेण स्त्रीष्व् अपत्यं प्रतिष्ठितम्

strīṣu prītirviśeṣeṇa strīṣv apatyaṃ pratiṣṭhitam

2.1.7

धर्मार्थौ स्त्रीषु लक्ष्मीश्च स्त्रीषु लोकाः प्रतिष्ठिताः

dharmārthau strīṣu lakṣmīśca strīṣu lokāḥ pratiṣṭhitāḥ

2.1.7.2

सुरूपा यौवनस्था या लक्षणैर्या विभूषिता

surūpā yauvanasthā yā lakṣaṇairyā vibhūṣitā

2.1.8

या वश्या शिक्षिता या च सा स्त्री वृष्यतमा मता

yā vaśyā śikṣitā yā ca sā strī vṛṣyatamā matā

2.1.8.2

नानाभक्त्या तु लोकस्य दैवयोगाच्च योषिताम्

nānābhaktyā tu lokasya daivayogācca yoṣitām

2.1.9

तं तं प्राप्य विवर्धन्ते नरं रूपादयो गुणाः

taṃ taṃ prāpya vivardhante naraṃ rūpādayo guṇāḥ

2.1.9.2

वयोरूपवचोहावैर् या यस्य परमाङ्गना

vayorūpavacohāvair yā yasya paramāṅganā

2.1.10

प्रविशत्याशु हृदयं दैवाद् वा कर्मणो ऽपि वा

praviśatyāśu hṛdayaṃ daivād vā karmaṇo 'pi vā

2.1.10.2

हृदयोत्सवरूपा या या समानमनःशया

hṛdayotsavarūpā yā yā samānamanaḥśayā

Carakasaṃhitā