2.3.26.2

जात्युत्पलसुगन्धीनि शीतगर्भगृहाणि च

jātyutpalasugandhīni śītagarbhagṛhāṇi ca

2.3.27

नद्यः फेनोत्तरीयाश्च गिरयो नीलसानवः

nadyaḥ phenottarīyāśca girayo nīlasānavaḥ

2.3.27.2

उन्नतिर् नीलमेघानां रम्यचन्द्रोदया निशाः

unnatir nīlameghānāṃ ramyacandrodayā niśāḥ

2.3.28

वायवः सुखसंस्पर्शाः कुमुदाकरगन्धिनः

vāyavaḥ sukhasaṃsparśāḥ kumudākaragandhinaḥ

2.3.28.2

रतिभोगक्षमा रात्र्यः संकोचागुरुवल्लभाः

ratibhogakṣamā rātryaḥ saṃkocāguruvallabhāḥ

2.3.29

सुखाः सहायाः परपुष्टघुष्टाः फुल्ला वनान्ता विशदान्नपानाः

sukhāḥ sahāyāḥ parapuṣṭaghuṣṭāḥ phullā vanāntā viśadānnapānāḥ

2.3.29.2

गान्धर्वशब्दाश्च सुगन्धयोगाः सत्त्वं विशालं निरुपद्रवं च

gāndharvaśabdāśca sugandhayogāḥ sattvaṃ viśālaṃ nirupadravaṃ ca

2.3.30

सिद्धार्थता चाभिनवश्च कामः स्त्री चायुधं सर्वमिहात्मजस्य

siddhārthatā cābhinavaśca kāmaḥ strī cāyudhaṃ sarvamihātmajasya

2.3.30.2

वयो नवं जातमदश्च कालो हर्षस्य योनिः परमा नराणाम्

vayo navaṃ jātamadaśca kālo harṣasya yoniḥ paramā narāṇām

2.3.31

प्रहर्षयोनयो योगा व्याख्याता दश पञ्च च

praharṣayonayo yogā vyākhyātā daśa pañca ca

2.3.31.2

माषपर्णभृतीयेऽस्मिन् पादे शुक्रबलप्रदाः

māṣaparṇabhṛtīye'smin pāde śukrabalapradāḥ

2.3.32

इत्यग्निवेशकृते तन्त्रे चरकप्रतिसंस्कृते चिकित्सास्थाने वाजीकरणाध्याये माषपर्णभृतीयो नाम वाजीकरणपादस्तृतीयः

ityagniveśakṛte tantre carakapratisaṃskṛte cikitsāsthāne vājīkaraṇādhyāye māṣaparṇabhṛtīyo nāma vājīkaraṇapādastṛtīyaḥ

2.4.1

अथातः पुमाञ्जातबलादिकं वाजीकरणपादं व्याख्यास्यामः

athātaḥ pumāñjātabalādikaṃ vājīkaraṇapādaṃ vyākhyāsyāmaḥ

2.4.2

इति ह स्माह भगवानात्रेयः

iti ha smāha bhagavānātreyaḥ

2.4.3

पुमान् यथा जातबलो यावदिच्छं स्त्रियो व्रजेत्

pumān yathā jātabalo yāvadicchaṃ striyo vrajet

2.4.3.2

यथा चापत्यवान् सद्यो भवेत् तद् उपदेक्ष्यते

yathā cāpatyavān sadyo bhavet tad upadekṣyate

2.4.4

न हि जातबलाः सर्वे नराश् चापत्यभागिनः

na hi jātabalāḥ sarve narāś cāpatyabhāginaḥ

2.4.4.2

बृहच्छरीरा बलिनः सन्ति नारीषु दुर्बलाः

bṛhaccharīrā balinaḥ santi nārīṣu durbalāḥ

2.4.5

सन्ति चाल्पाश्रयाः स्त्रीषु बलवन्तो बहुप्रजाः

santi cālpāśrayāḥ strīṣu balavanto bahuprajāḥ

2.4.5.2

प्रकृत्या चाबलाः सन्ति सन्ति चामयदुर्बलाः

prakṛtyā cābalāḥ santi santi cāmayadurbalāḥ

Carakasaṃhitā