1.89.74.2

अन्यायोपात्तवित्तेन यदि वा कृतमन्यथा

anyāyopāttavittena yadi vā kṛtamanyathā

1.89.75

अश्राद्धार्हैर् उपतैर् उपहारैस्तथा

aśrāddhārhair upatair upahāraistathā

1.89.75.2

अकाले ऽप्यथ वा देशे विधिहीनमथापि वा

akāle 'pyatha vā deśe vidhihīnamathāpi vā

1.89.76

अश्रद्धया वा पुरुषैर्दम्भमाश्रित्य यत्कृतम्

aśraddhayā vā puruṣairdambhamāśritya yatkṛtam

1.89.76.2

अस्माकं तृप्तये श्राद्धं तथाप्य् एतदुदीरणात्

asmākaṃ tṛptaye śrāddhaṃ tathāpy etadudīraṇāt

1.89.77

यत्रैतत्पठ्यते श्राद्धे स्तोत्रम्

yatraitatpaṭhyate śrāddhe stotram

1.89.77.2

अस्माकं जायते तृप्तिस्तत्र द्वादशवार्षिकी

asmākaṃ jāyate tṛptistatra dvādaśavārṣikī

1.89.78

हेमन्ते द्वादशाब्दानि तृप्तिमेतत्प्रयच्छति

hemante dvādaśābdāni tṛptimetatprayacchati

1.89.78.2

शिशिरे द्विगुणाब्दानि तृप्तिं स्तोत्रमिदं शुभम्

śiśire dviguṇābdāni tṛptiṃ stotramidaṃ śubham

1.89.79

वसन्ते षोडश समास्तृप्तये श्राद्धकर्मणि

vasante ṣoḍaśa samāstṛptaye śrāddhakarmaṇi

1.89.79.2

ग्रीष्मे च षोडशैवैतत्पठितं तृप्तिकारकम्

grīṣme ca ṣoḍaśaivaitatpaṭhitaṃ tṛptikārakam

1.89.80

विकले ऽपि कृते श्राद्धे स्तोत्रेणानेन साधिते

vikale 'pi kṛte śrāddhe stotreṇānena sādhite

1.89.80.2

वर्षासु तृप्तिरस्माकमक्षय्या जायते रुचे

varṣāsu tṛptirasmākamakṣayyā jāyate ruce

1.89.81

शरत्काले ऽपि पठितं श्राद्धकाले प्रयच्छति

śaratkāle 'pi paṭhitaṃ śrāddhakāle prayacchati

1.89.81.2

अस्माकमेतत्पुरुषैस्तृप्तिं पञ्चदशाब्दिकीम्

asmākametatpuruṣaistṛptiṃ pañcadaśābdikīm

1.89.82

यस्मिन् गेहे च लिखितमेतत्तिष्ठति नित्यदा

yasmin gehe ca likhitametattiṣṭhati nityadā

1.89.82.2

सन्निधानं कृते श्राद्धे तत्रास्माकं भविष्यति

sannidhānaṃ kṛte śrāddhe tatrāsmākaṃ bhaviṣyati

1.89.83

तस्मादेतत्त्वया श्राद्धे विप्राणां भुञ्जतां पुरः

tasmādetattvayā śrāddhe viprāṇāṃ bhuñjatāṃ puraḥ

1.89.83.2

श्रावणीयं महाभाग अस्माकं पुष्टिकारकम्

śrāvaṇīyaṃ mahābhāga asmākaṃ puṣṭikārakam

1.89.84

इति श्रीगारुडे महापुराणे पूर्वखण्डे प्रथमांशाख्ये आचारकाण्डे रुचिकृतपितृस्तोत्रं नामैकोननवतितमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe rucikṛtapitṛstotraṃ nāmaikonanavatitamo 'dhyāyaḥ

Garuḍapurāṇa