1.93.10

ब्रह्मक्षत्रियविट्शूद्रा वर्णास्त्वाद्यास्त्रयो द्विजाः

brahmakṣatriyaviṭśūdrā varṇāstvādyāstrayo dvijāḥ

1.93.10.2

निषेकाद्याः श्मशानान्तास् तेषां वै मन्त्रतः क्रियाः

niṣekādyāḥ śmaśānāntās teṣāṃ vai mantrataḥ kriyāḥ

1.93.11

गर्भाधानमृतौ पुंसः सवनं स्पन्दनात्पुरा

garbhādhānamṛtau puṃsaḥ savanaṃ spandanātpurā

1.93.11.2

षष्ठे ऽष्टमे वा सीमन्तः प्रसवे जातकर्म च

ṣaṣṭhe 'ṣṭame vā sīmantaḥ prasave jātakarma ca

1.93.12

अहन्येकादशे नाम चतुर्थे मासि निष्क्रमः

ahanyekādaśe nāma caturthe māsi niṣkramaḥ

1.93.12.2

षष्ठे ऽन्नप्राशनं मासि चूडां कुर्याद्यथाकुलम्

ṣaṣṭhe 'nnaprāśanaṃ māsi cūḍāṃ kuryādyathākulam

1.93.13

एवमेनः शमं याति बीजगर्भसमुद्भवम्

evamenaḥ śamaṃ yāti bījagarbhasamudbhavam

1.93.13.2

तूष्णीम् एताः क्रियाः स्त्रीणां विवाहश्च समन्त्रकः

tūṣṇīm etāḥ kriyāḥ strīṇāṃ vivāhaśca samantrakaḥ

1.93.14

इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तवर्णधर्मनिरूपणं नाम त्रिनवतितमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktavarṇadharmanirūpaṇaṃ nāma trinavatitamo 'dhyāyaḥ

1.94.1

याज्ञवल्क्य उवाच

yājñavalkya uvāca

1.94.1.2

गर्भाष्टमे ऽष्टमे वाब्दे ब्राह्मणस्योपनायनम्

garbhāṣṭame 'ṣṭame vābde brāhmaṇasyopanāyanam

1.94.1.3

राज्ञाम् एकादशे सैके विशामेके यथाकुलम्

rājñām ekādaśe saike viśāmeke yathākulam

1.94.2

उपनीय कुरुः शिष्यं महाव्याहृतिपूर्वकम्

upanīya kuruḥ śiṣyaṃ mahāvyāhṛtipūrvakam

1.94.2.2

वेदमध्यापयेदेनं शौचाचारांश्च शिक्षयेत्

vedamadhyāpayedenaṃ śaucācārāṃśca śikṣayet

1.94.3

दिवा सन्ध्यासु कर्णस्थब्रह्मसूत्र उदङ्मुखः

divā sandhyāsu karṇasthabrahmasūtra udaṅmukhaḥ

1.94.3.2

कुर्यान्मूत्रपुरीषे तु रात्रौ चेद्दक्षिणामुखः

kuryānmūtrapurīṣe tu rātrau ceddakṣiṇāmukhaḥ

1.94.4

गृहीतशिश्नश् चोत्थाय मृद्भिरभ्युद्धृतैर्जलैः

gṛhītaśiśnaś cotthāya mṛdbhirabhyuddhṛtairjalaiḥ

1.94.4.2

गन्धलेपक्षयकरं शौचं कुर्यान्महाव्रतः

gandhalepakṣayakaraṃ śaucaṃ kuryānmahāvrataḥ

1.94.5

अन्तर्जानुः शुचौ देश उपविष्ट उदङ्मुखः

antarjānuḥ śucau deśa upaviṣṭa udaṅmukhaḥ

1.94.5.2

प्राग्वा ब्राह्मेण तीर्थेन द्विजो नित्यमुपस्पृशेत्

prāgvā brāhmeṇa tīrthena dvijo nityamupaspṛśet

Garuḍapurāṇa