1.95.32.2

दाहयेदग्निहोत्रेण स्त्रियं वृत्तवतीं पतिः

dāhayedagnihotreṇa striyaṃ vṛttavatīṃ patiḥ

1.95.33

आहरेद्विधिवद्दारानग्निं चैवाविलम्बितः

āharedvidhivaddārānagniṃ caivāvilambitaḥ

1.95.33.2

हिता भर्तुर्दिवं गच्छेदिह कीर्तीरवाप्य च

hitā bharturdivaṃ gacchediha kīrtīravāpya ca

1.95.34

इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तगृहल्थधर्मनिर्णयो नाम पञ्चनवतितमो

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktagṛhalthadharmanirṇayo nāma pañcanavatitamo

1.96.1

याज्ञवल्क्य उवाच

yājñavalkya uvāca

1.96.1.2

वक्ष्ये संकरजात्यादिगृहस्थादिविधिं परम्

vakṣye saṃkarajātyādigṛhasthādividhiṃ param

1.96.1.3

विप्रान् मूर्धावषिक्तो हि क्षत्रियायां विशः स्त्रियाम्

viprān mūrdhāvaṣikto hi kṣatriyāyāṃ viśaḥ striyām

1.96.2

जातो ऽम्बष्ठस्तु शूद्रायां निषादः पर्वतो ऽपि वा

jāto 'mbaṣṭhastu śūdrāyāṃ niṣādaḥ parvato 'pi vā

1.96.2.2

माहिष्यः क्षत्त्रियाज्जातो वैश्यायां म्लेच्छसंज्ञितः

māhiṣyaḥ kṣattriyājjāto vaiśyāyāṃ mlecchasaṃjñitaḥ

1.96.3

शूद्रायां करणो वैश्याद्विन्नास्वेष विधिः स्मृतः

śūdrāyāṃ karaṇo vaiśyādvinnāsveṣa vidhiḥ smṛtaḥ

1.96.3.2

ब्राह्मण्यां क्षत्त्रियात्सूतो वैश्याद्वैदेहकस्तथा

brāhmaṇyāṃ kṣattriyātsūto vaiśyādvaidehakastathā

1.96.4

शूद्राज्जातस्तु चाण्डालः सर्ववर्णविगर्हितः

śūdrājjātastu cāṇḍālaḥ sarvavarṇavigarhitaḥ

1.96.4.2

क्षत्रिया मागधं वैश्याच्छूद्रा क्षत्तारमेव च

kṣatriyā māgadhaṃ vaiśyācchūdrā kṣattārameva ca

1.96.5

शूद्रादयोगवं वैश्या जनयामास वै सुतम्

śūdrādayogavaṃ vaiśyā janayāmāsa vai sutam

1.96.5.2

माहिष्येण करण्यां तु रथकारः प्रजायते

māhiṣyeṇa karaṇyāṃ tu rathakāraḥ prajāyate

1.96.6

असत्सन्तस्तु वै ज्ञेयाः प्रतिलोमानुलोमजाः

asatsantastu vai jñeyāḥ pratilomānulomajāḥ

1.96.6.2

जात्युत्कर्षाद्द्विजो ज्ञेयः सप्तमे पञ्चमे ऽपि वा

jātyutkarṣāddvijo jñeyaḥ saptame pañcame 'pi vā

1.96.7

व्यत्यये कर्मणां साम्यं पूर्ववच् चोत्तरावरम्

vyatyaye karmaṇāṃ sāmyaṃ pūrvavac cottarāvaram

1.96.7.2

कर्म स्मार्तं विवाहाग्नौ कुर्वीत प्रत्यहं गृही

karma smārtaṃ vivāhāgnau kurvīta pratyahaṃ gṛhī

1.96.8

दायकालादृते वापि श्रौतं वैतानिकाग्निषु

dāyakālādṛte vāpi śrautaṃ vaitānikāgniṣu

Garuḍapurāṇa