1.98.12.2

भूदीपांश्चान्नवस्त्राणि सर्पिर्दत्त्वा

bhūdīpāṃścānnavastrāṇi sarpirdattvā

1.98.13

गृहधान्यच्छत्रमाल्यवृक्षया न घृतं जलम्

gṛhadhānyacchatramālyavṛkṣayā na ghṛtaṃ jalam

1.98.13.2

शय्यानुलेपनं दत्त्वा स्वर्गलोके महीयते

śayyānulepanaṃ dattvā svargaloke mahīyate

1.98.14

ब्रह्मदाता ब्रह्मलोकं प्राप्नोति सुरदुर्लभम्

brahmadātā brahmalokaṃ prāpnoti suradurlabham

1.98.14.2

वेदार्थयज्ञशास्त्राणि धर्मशास्त्राणि चैव हि

vedārthayajñaśāstrāṇi dharmaśāstrāṇi caiva hi

1.98.15

मूल्येनापि लिखित्वापि ब्रह्मलोकमवाप्नुयात्

mūlyenāpi likhitvāpi brahmalokamavāpnuyāt

1.98.15.2

एतन्मूलं जगद्यस्मादसृजत्पूर्वमीश्वरः

etanmūlaṃ jagadyasmādasṛjatpūrvamīśvaraḥ

1.98.16

तस्मात्सर्वप्रयत्नेन कार्यो वेदार्थसंग्रहः

tasmātsarvaprayatnena kāryo vedārthasaṃgrahaḥ

1.98.16.2

इतिहासपुराणं वा लिखित्वा यः प्रयच्छति

itihāsapurāṇaṃ vā likhitvā yaḥ prayacchati

1.98.17

ब्रह्मदानसमं पुण्यं प्राप्नोति द्विगुणोन्नतिम्

brahmadānasamaṃ puṇyaṃ prāpnoti dviguṇonnatim

1.98.17.2

लोकायतं कुतर्कश्च प्राकृतम्लेच्छभाषितम्

lokāyataṃ kutarkaśca prākṛtamlecchabhāṣitam

1.98.18

न श्रोतव्यं द्विजेनैतदधो नयति तं द्विजम्

na śrotavyaṃ dvijenaitadadho nayati taṃ dvijam

1.98.18.2

समर्थो यो न गृह्णीयाद्दातृलोकानवाप्नुयात्

samartho yo na gṛhṇīyāddātṛlokānavāpnuyāt

1.98.19

कुशाः शाकं पयो गन्धाः प्रत्याख्येया न वारि च

kuśāḥ śākaṃ payo gandhāḥ pratyākhyeyā na vāri ca

1.98.19.2

अयाचिताहृतं ग्राह्यमपि दुष्कृतकर्मणः

ayācitāhṛtaṃ grāhyamapi duṣkṛtakarmaṇaḥ

1.98.20

अन्यत्र कुलटाषण्ढपतितेभ्यो द्विषस्तथा

anyatra kulaṭāṣaṇḍhapatitebhyo dviṣastathā

1.98.20.2

देवातिथ्यर्चनकृते पितृतृप्त्यर्थमेव च

devātithyarcanakṛte pitṛtṛptyarthameva ca

1.98.20.3

सर्वतः प्रतिगृह्णीयाद् आत्मतृप्सर्थम् एव

sarvataḥ pratigṛhṇīyād ātmatṛpsartham eva

1.98.21

इति श्रीगारुडे महापुराणे पूर्वखण्डे प्रथमांशाख्ये आचारकाण्डे याज्ञवल्क्योक्तदानधर्मनिरूपणं नामाष्टनवतितमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe yājñavalkyoktadānadharmanirūpaṇaṃ nāmāṣṭanavatitamo 'dhyāyaḥ

1.99.1

याज्ञवल्क्य उवाच

yājñavalkya uvāca

Garuḍapurāṇa