1.112.26

इति श्रीगारुडे महापुराणे पूर्वखण्डे प्रथमांशाख्ये आचारकाण्डे बृहस्पत्युक्तनीतिसारे द्वादशोत्तरकशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe bṛhaspatyuktanītisāre dvādaśottarakaśatatamo 'dhyāyaḥ

1.113.1

सूत उवाच

sūta uvāca

1.113.1.2

गुणवन्तं नियुञ्जीत गुणहीनं विवर्जयेत्

guṇavantaṃ niyuñjīta guṇahīnaṃ vivarjayet

1.113.1.3

पण्डितस्य गुणाः सर्वे मूर्खे दोषाश्च केवलाः

paṇḍitasya guṇāḥ sarve mūrkhe doṣāśca kevalāḥ

1.113.2

सद्भिरासीत सततं सद्भिः कुर्वीत संगतिम्

sadbhirāsīta satataṃ sadbhiḥ kurvīta saṃgatim

1.113.2.2

सद्भिर्विवादं मैत्रीं च नासद्भिः किंचिद् आचरेत्

sadbhirvivādaṃ maitrīṃ ca nāsadbhiḥ kiṃcid ācaret

1.113.3

पण्डितैश्च विर्नातैश्च

paṇḍitaiśca virnātaiśca

1.113.3.2

बन्धस्थो ऽपि तिष्ठेच्च न तु राज्ये खलैः सह

bandhastho 'pi tiṣṭhecca na tu rājye khalaiḥ saha

1.113.4

सावशेषाणि कार्याणि कुवत्रर्थे

sāvaśeṣāṇi kāryāṇi kuvatrarthe

1.113.4.2

तस्मात्सर्वाणि कार्याणि सावशेषाणि कारयेत्

tasmātsarvāṇi kāryāṇi sāvaśeṣāṇi kārayet

1.113.5

मधुहेव दुहेत् सारं कुसुमं च न घातयेत्

madhuheva duhet sāraṃ kusumaṃ ca na ghātayet

1.113.5.2

वत्सापेक्षी दुहेत् क्षीरं भूमिं गां चैव पार्थिवः

vatsāpekṣī duhet kṣīraṃ bhūmiṃ gāṃ caiva pārthivaḥ

1.113.6

यथाक्रमेण पुष्पेभ्यश्चिनुते मधु षट्पदः

yathākrameṇa puṣpebhyaścinute madhu ṣaṭpadaḥ

1.113.6.2

तथा वित्तम् उपादाय राजा कुर्वीत सञ्चयम्

tathā vittam upādāya rājā kurvīta sañcayam

1.113.7

वल्मीकं मधुजालं च शुक्लण्क्षे तु

valmīkaṃ madhujālaṃ ca śuklaṇkṣe tu

1.113.7.2

राजद्रव्यं च भैक्ष्यं च स्तोकं स्तोकं प्रवर्धते

rājadravyaṃ ca bhaikṣyaṃ ca stokaṃ stokaṃ pravardhate

1.113.8

अर्जितस्य क्षयं दृष्टा सम्प्रदत्तस्य सञ्चयम्

arjitasya kṣayaṃ dṛṣṭā sampradattasya sañcayam

1.113.8.2

अवन्ध्यं दिवसं कुर्याद् दानाध्ययनकर्मसु

avandhyaṃ divasaṃ kuryād dānādhyayanakarmasu

1.113.9

वने ऽपि दोषाः प्रभवन्ति रागिणां गृहे ऽपि पञ्चेन्द्रियनिग्रहस्तपः

vane 'pi doṣāḥ prabhavanti rāgiṇāṃ gṛhe 'pi pañcendriyanigrahastapaḥ

1.113.9.2

अकुत्सिते कर्मणि यः प्रवर्तते निवृत्तरागस्य गृहं तपोवनम्

akutsite karmaṇi yaḥ pravartate nivṛttarāgasya gṛhaṃ tapovanam

Garuḍapurāṇa