1.122.1.3

वानप्रस्थो यतिर्नारी कुर्यान्मासोपवासकम्

vānaprastho yatirnārī kuryānmāsopavāsakam

1.122.2

आश्विनस्य सिते पक्षे एकादश्यामुपोषितः

āśvinasya site pakṣe ekādaśyāmupoṣitaḥ

1.122.2.2

व्रतमेतत्तु गृह्णीयाद्यावत्त्रिंशद्दिनानि तु

vratametattu gṛhṇīyādyāvattriṃśaddināni tu

1.122.3

अद्यप्रभृत्यहं विष्णो यावदुत्थानकं तव

adyaprabhṛtyahaṃ viṣṇo yāvadutthānakaṃ tava

1.122.3.2

अर्चयेत्वामनश्रंस्तु दिनानि त्रिंशदेव

dināni triṃśadeva tu

1.122.4

कार्तिकाश्विनयोर्विष्णो द्वादश्योः शुक्लयोरहम्

kārtikāśvinayorviṣṇo dvādaśyoḥ śuklayoraham

1.122.4.2

म्रिये यद्यन्तराले तु व्रतभङ्गो न मे भवेत्

mriye yadyantarāle tu vratabhaṅgo na me bhavet

1.122.5

हरिं यजेत् त्रिषवणस्नायी गन्धादिभिर्व्रती

hariṃ yajet triṣavaṇasnāyī gandhādibhirvratī

1.122.5.2

गात्राभ्यङ्गं गन्धलेपं देवतायतने त्यजेत्

gātrābhyaṅgaṃ gandhalepaṃ devatāyatane tyajet

1.122.6

द्वादश्यामथ सम्पूज्य प्रदद्याद्द्विजभोजनम्

dvādaśyāmatha sampūjya pradadyāddvijabhojanam

1.122.6.2

ततश्च पारणं कुर्याद्धरेर्मासोपवासकृत्

tataśca pāraṇaṃ kuryāddharermāsopavāsakṛt

1.122.7

दुग्धादिप्राशनं कुर्याद्व्रतस्थो मूर्छितो ऽन्तरा

dugdhādiprāśanaṃ kuryādvratastho mūrchito 'ntarā

1.122.7.2

दुग्धाद्यैर्न व्रतं नश्येद्भुक्तिमुक्तिमवाप्नुयात्

dugdhādyairna vrataṃ naśyedbhuktimuktimavāpnuyāt

1.122.8

इति श्रीगारुडे महापुराणे पूर्वखण्डे प्रथमांशाख्ये आचारकाण्डे मासोपवासव्रतं नाम द्वाविंशत्युत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe māsopavāsavrataṃ nāma dvāviṃśatyuttaraśatatamo 'dhyāyaḥ

1.123.1

ब्रह्मोवाच

brahmovāca

1.123.1.2

व्रतानि कार्तिके वक्ष्ये स्नात्वा विष्णुं प्रपूजयेत्

vratāni kārtike vakṣye snātvā viṣṇuṃ prapūjayet

1.123.1.3

एकभक्तेन नक्तेन मासं वायाचितेन वा

ekabhaktena naktena māsaṃ vāyācitena vā

1.123.2

दुग्धशाकफलाद्यैर्वा उपवासेन वा पुनः

dugdhaśākaphalādyairvā upavāsena vā punaḥ

1.123.2.2

सर्वपापविनिर्मुक्तः प्राप्तकामो हरिं व्रजेत्

sarvapāpavinirmuktaḥ prāptakāmo hariṃ vrajet

1.123.3

सदा हरेर्व्रतं श्रेष्ठं ततः स्याद्दक्षिणायने

sadā harervrataṃ śreṣṭhaṃ tataḥ syāddakṣiṇāyane

Garuḍapurāṇa