1.125.3

द्वादश्येकादशी यत्र तत्र संनिहितो हरिः

dvādaśyekādaśī yatra tatra saṃnihito hariḥ

1.125.3.2

दशम्येकादशी यत्र तत्र संनिहितो ऽसुरः

daśamyekādaśī yatra tatra saṃnihito 'suraḥ

1.125.3.3

बहुवाक्यविरोधेन सन्देहो जायते यदा

bahuvākyavirodhena sandeho jāyate yadā

1.125.4

द्वादशी तु तदा ग्राह्या त्रयोदश्यां तु पारणम्

dvādaśī tu tadā grāhyā trayodaśyāṃ tu pāraṇam

1.125.4.2

एकादशी कलापिस्याद् उपोष्या द्वादशी तथा

ekādaśī kalāpisyād upoṣyā dvādaśī tathā

1.125.5

एकादशी द्वादशी च विशेषेण त्रयोदशी

ekādaśī dvādaśī ca viśeṣeṇa trayodaśī

1.125.5.2

त्रिमिश्रा सा तिथिर्ग्राह्या सर्वपापहरा शुभा

trimiśrā sā tithirgrāhyā sarvapāpaharā śubhā

1.125.6

एकादशीम् उपोष्यैव द्वादशीम् अथवा द्विज

ekādaśīm upoṣyaiva dvādaśīm athavā dvija

1.125.6.2

त्रिमिश्रां चैव कुर्वीत न दशम्या युतां क्वचित्

trimiśrāṃ caiva kurvīta na daśamyā yutāṃ kvacit

1.125.7

रात्रौ जागरणं कुर्वन्पुराणश्रवणं नृपः

rātrau jāgaraṇaṃ kurvanpurāṇaśravaṇaṃ nṛpaḥ

1.125.7.2

गदाधरं पूजयंश्च उपोष्यैकादशीद्वयम्

gadādharaṃ pūjayaṃśca upoṣyaikādaśīdvayam

1.125.7.3

रुक्माङ्गदो ययौ मोक्षमन्ये चैकादशीव्रतम्

rukmāṅgado yayau mokṣamanye caikādaśīvratam

1.125.8

इति श्रीगारुडे महापुराणे पूर्वखण्डे प्रथमांशाख्ये आचारकाण्डे एकादशीमाहात्म्यं नाम पञ्चविंशत्युत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma pañcaviṃśatyuttaraśatatamo 'dhyāyaḥ

1.127.1

ब्रह्मोवाच

brahmovāca

1.127.1.2

माघमासे शुक्लपक्षे सूर्यर्क्षेण युता पुरा

māghamāse śuklapakṣe sūryarkṣeṇa yutā purā

1.127.1.3

एकादशी तथा चैका भीमेन समुपोषिता

ekādaśī tathā caikā bhīmena samupoṣitā

1.127.2

आश्चर्यं तु व्रतं कृत्वा पितॄणामनृणो ऽभवत्

āścaryaṃ tu vrataṃ kṛtvā pitṝṇāmanṛṇo 'bhavat

1.127.2.2

भीमद्वादशी विख्याता प्राणिनां पुण्यवर्धिनी

bhīmadvādaśī vikhyātā prāṇināṃ puṇyavardhinī

1.127.3

नक्षत्रेण विनाप्येषा ब्रह्महत्यादि नाशयेत्

nakṣatreṇa vināpyeṣā brahmahatyādi nāśayet

1.127.3.2

विनिहन्ति महापापं कुनृपो विषयं यथा

vinihanti mahāpāpaṃ kunṛpo viṣayaṃ yathā

Garuḍapurāṇa