1.127.14

सर्वबीजभृते विप्राः सितवस्त्रावगुण्ठिते

sarvabījabhṛte viprāḥ sitavastrāvaguṇṭhite

1.127.14.2

सहिरण्यप्रदीपाद्यैः कृत्वा पूजां प्रयत्नतः

sahiraṇyapradīpādyaiḥ kṛtvā pūjāṃ prayatnataḥ

1.127.15

वराहाय नमः पादौ क्रोडाकृतये नमः कटिम्

varāhāya namaḥ pādau kroḍākṛtaye namaḥ kaṭim

1.127.15.2

नाभिं गंभीरघोषया उरः श्रीवत्सधारिणे

nābhiṃ gaṃbhīraghoṣayā uraḥ śrīvatsadhāriṇe

1.127.16

बाहुं सहस्रशिरसे ग्रीवां सर्वेश्वराय च

bāhuṃ sahasraśirase grīvāṃ sarveśvarāya ca

1.127.16.2

मुखं सर्वात्मने पूज्यं ललाटं प्रभवाय च

mukhaṃ sarvātmane pūjyaṃ lalāṭaṃ prabhavāya ca

1.127.17

केशाः शतमयूखाय पूज्या देवस्य चक्रिणः

keśāḥ śatamayūkhāya pūjyā devasya cakriṇaḥ

1.127.17.2

विधिना पूजयित्वा तु कृत्वा जागरणं निशि

vidhinā pūjayitvā tu kṛtvā jāgaraṇaṃ niśi

1.127.18

श्रुत्वा पुराणं देवस्य माहात्म्यप्रतिपादकम्

śrutvā purāṇaṃ devasya māhātmyapratipādakam

1.127.18.2

प्रातर्विप्राय दत्त्वा च याचकाय शुभाय तत्

prātarviprāya dattvā ca yācakāya śubhāya tat

1.127.19

कनकक्रोडसहितं संनिवेद्य परिच्छदम्

kanakakroḍasahitaṃ saṃnivedya paricchadam

1.127.19.2

पश्चात्तु पारणं कुर्यान्नातितृप्तः सकृद्व्रतः

paścāttu pāraṇaṃ kuryānnātitṛptaḥ sakṛdvrataḥ

1.127.20

एवं कृत्वा नरो विद्यान्न भूयस्तनपो

evaṃ kṛtvā naro vidyānna bhūyastanapo

1.127.20.2

उपोष्यैकादशीं पुण्यां मुच्यते वै ऋणत्रयात्

upoṣyaikādaśīṃ puṇyāṃ mucyate vai ṛṇatrayāt

1.127.20.3

मनोऽभिलषितावाप्तिः कृत्वा सर्वव्रतादिकम्

mano'bhilaṣitāvāptiḥ kṛtvā sarvavratādikam

1.127.21

इति श्रीगारुडे महापुराणे पूर्वखण्डे प्रथमांशाख्ये आचारकाण्डे एकादशीमाहात्म्यं नाम सप्तविंशत्युत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe ekādaśīmāhātmyaṃ nāma saptaviṃśatyuttaraśatatamo 'dhyāyaḥ

1.128.1

ब्रह्मोवाच

brahmovāca

1.128.1.2

व्रतानि व्यास वक्ष्यामि यैस्तुष्टः सर्वदो हरिः

vratāni vyāsa vakṣyāmi yaistuṣṭaḥ sarvado hariḥ

1.128.1.3

शास्त्रोदितो हि नियमो व्रतं तच्च तपो मतम्

śāstrodito hi niyamo vrataṃ tacca tapo matam

1.128.2

नियमास्तु विशेषाः स्युः व्रतस्यास्य दमादयः

niyamāstu viśeṣāḥ syuḥ vratasyāsya damādayaḥ

Garuḍapurāṇa