1.128.12.2

तेजो ऽसीति च देवस्य ब्रह्मकूर्चव्रतं चरेत्

tejo 'sīti ca devasya brahmakūrcavrataṃ caret

1.128.13

अग्न्याधानं प्रतिष्ठां तु यज्ञदानव्रतानि च

agnyādhānaṃ pratiṣṭhāṃ tu yajñadānavratāni ca

1.128.13.2

वेदव्रतवृषोत्सर्गचूडाकरणमेखलाः

vedavratavṛṣotsargacūḍākaraṇamekhalāḥ

1.128.14

माङ्गल्यमभिषेकं च मलमासे विवर्जयेत्

māṅgalyamabhiṣekaṃ ca malamāse vivarjayet

1.128.14.2

दर्शाद्दर्शस्य चान्द्रः स्यात्त्रिंशाहोभिस्तु सावनः

darśāddarśasya cāndraḥ syāttriṃśāhobhistu sāvanaḥ

1.128.15

रविसंक्रमणात्सौरो नाक्षत्रः सप्तविंशतिः

ravisaṃkramaṇātsauro nākṣatraḥ saptaviṃśatiḥ

1.128.15.2

सौरो मासो विवाहाय यज्ञादौ सावनस्थितिः

sauro māso vivāhāya yajñādau sāvanasthitiḥ

1.128.16

युग्माग्नियुगभूतानि षण्मुन्योर्वसुरन्ध्रयोः

yugmāgniyugabhūtāni ṣaṇmunyorvasurandhrayoḥ

1.128.16.2

रुद्रेण द्वादशी युक्ता चतुर्दश्याथ पूर्णिमा

rudreṇa dvādaśī yuktā caturdaśyātha pūrṇimā

1.128.17

प्रतिपद्यप्यमावास्या तिथ्योर्मस्यं

pratipadyapyamāvāsyā tithyormasyaṃ

1.128.17.2

एतद्व्यस्तं महाघोरं हन्ति पुण्यं पुरा कृतम्

etadvyastaṃ mahāghoraṃ hanti puṇyaṃ purā kṛtam

1.128.18

प्रारब्धतपसा स्त्रीणां रजो हन्याद्व्रतं न हि

prārabdhatapasā strīṇāṃ rajo hanyādvrataṃ na hi

1.128.18.2

अन्यैर्दानादिकं कुर्यात्कायिकं स्वयमेव च

anyairdānādikaṃ kuryātkāyikaṃ svayameva ca

1.128.19

क्रोधात्प्रमादाल्लोभाद्वा व्रतभङ्गो भवेद्यदि

krodhātpramādāllobhādvā vratabhaṅgo bhavedyadi

1.128.19.2

दिनत्रयं न भुञ्जीत शिरसो मुण्डनं भवेत्

dinatrayaṃ na bhuñjīta śiraso muṇḍanaṃ bhavet

1.128.20

असामर्थ्ये शरीरस्य पुत्रादीन्कारयेद्व्रतम्

asāmarthye śarīrasya putrādīnkārayedvratam

1.128.20.2

व्रतस्थं मूर्छितं विप्रं जलादीन्यनुपाययेत्

vratasthaṃ mūrchitaṃ vipraṃ jalādīnyanupāyayet

1.128.21

इति श्रीगारुडे महापुराणे पूर्वखण्डे प्रथमांशाख्ये आचारकाण्डे व्रतपरिभाषा नामाष्टाविंशत्युत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vrataparibhāṣā nāmāṣṭāviṃśatyuttaraśatatamo 'dhyāyaḥ

1.129.1

ब्रह्मोवाच

brahmovāca

1.129.1.2

वक्ष्ये प्रतिपदादीनि व्रतानि व्यास शृण्वथ

vakṣye pratipadādīni vratāni vyāsa śṛṇvatha

Garuḍapurāṇa