1.131.18

देवकीनन्दन श्रीश हरे संसारसागरात्

devakīnandana śrīśa hare saṃsārasāgarāt

1.131.18.2

दुर्वृत्तांस्त्रायसे विष्णो ये स्मरन्ति सकृत्सकृत्

durvṛttāṃstrāyase viṣṇo ye smaranti sakṛtsakṛt

1.131.19

सो ऽहं देवातिदुर्वृत्तस्त्राहि मां शोकसागरात्

so 'haṃ devātidurvṛttastrāhi māṃ śokasāgarāt

1.131.19.2

पुष्कराक्ष निमग्नो ऽहं महत्यज्ञानसागरे

puṣkarākṣa nimagno 'haṃ mahatyajñānasāgare

1.131.20

त्राहि मां देवदेवेश त्वामृते ऽन्यो न रक्षिता

trāhi māṃ devadeveśa tvāmṛte 'nyo na rakṣitā

1.131.20.2

स्वजन्म वासुदेवाय गोब्राह्मणहिताय च

svajanma vāsudevāya gobrāhmaṇahitāya ca

1.131.21

जगद्धिताय कृष्णाय गोविन्दाय नमोनमः

jagaddhitāya kṛṣṇāya govindāya namonamaḥ

1.131.21.2

शान्तिरस्तु शिवं चास्तु धनविख्यातिराज्यभाक्

śāntirastu śivaṃ cāstu dhanavikhyātirājyabhāk

1.131.22

इति श्रीगारुडे महापुराणे पूर्वखण्डे प्रथमांशाख्ये आचारकाण्डे कृष्णाष्टमीव्रतनिरूपणं नामैकत्रिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe kṛṣṇāṣṭamīvratanirūpaṇaṃ nāmaikatriṃśaduttaraśatatamo 'dhyāyaḥ

1.132.1

ब्रह्मोवाच

brahmovāca

1.132.1.2

नक्ताशी त्वष्टमीं यावद्वर्षान्ते चैव धेनुदः

naktāśī tvaṣṭamīṃ yāvadvarṣānte caiva dhenudaḥ

1.132.1.3

पौरन्दरपदं याति सद्गतिव्रतमुच्यते

paurandarapadaṃ yāti sadgativratamucyate

1.132.2

शुक्लाष्टम्यां पौषमासे महारुद्रेति साधु वै

śuklāṣṭamyāṃ pauṣamāse mahārudreti sādhu vai

1.132.2.2

मत्प्रीतये कृतं देवि शतसाहस्रिकं फलम्

matprītaye kṛtaṃ devi śatasāhasrikaṃ phalam

1.132.3

अष्टमी बुधवारेण पक्षयोरुभयोर्यदा

aṣṭamī budhavāreṇa pakṣayorubhayoryadā

1.132.3.2

भविष्यति तदा तस्यां व्रतमेतत्कथा परा

bhaviṣyati tadā tasyāṃ vratametatkathā parā

1.132.4

तस्यां नियमकर्तारो न स्युः खण्डितसम्पदः

tasyāṃ niyamakartāro na syuḥ khaṇḍitasampadaḥ

1.132.4.2

तण्डुलस्याष्टमुष्टीनां वर्जयित्वाङ्गुलिद्वयम्

taṇḍulasyāṣṭamuṣṭīnāṃ varjayitvāṅgulidvayam

1.132.5

भक्तं सद्भक्तिश्रद्धाभ्यां मुक्तिकामी हि मानवः

bhaktaṃ sadbhaktiśraddhābhyāṃ muktikāmī hi mānavaḥ

1.132.5.2

आम्रं पत्रपुटे कृत्वा यो भुङ्क्ते कुशवेष्टिते

āmraṃ patrapuṭe kṛtvā yo bhuṅkte kuśaveṣṭite

Garuḍapurāṇa