1.132.16

चौरैर्दत्तं गृहीत्वाथ प्रदोषे प्राप्तवान् गृहम्

caurairdattaṃ gṛhītvātha pradoṣe prāptavān gṛham

1.132.16.2

वीरं च दुःखितं नत्वा रात्रौ सुप्तो यथासुखम्

vīraṃ ca duḥkhitaṃ natvā rātrau supto yathāsukham

1.132.17

कन्यां च युवतीं दृष्ट्वा कस्मै देया सुता मया

kanyāṃ ca yuvatīṃ dṛṣṭvā kasmai deyā sutā mayā

1.132.17.2

यमायेत्यब्रवीद्दुःखात् साचाराद् व्रतसत्फलात्

yamāyetyabravīdduḥkhāt sācārād vratasatphalāt

1.132.18

स्वर्गं गतौ च पितरौ व्रतं राज्याय कौशिकः

svargaṃ gatau ca pitarau vrataṃ rājyāya kauśikaḥ

1.132.18.2

चक्रे ऽयोध्यामहाराज्यं दत्त्वा च भगिनीं यमे

cakre 'yodhyāmahārājyaṃ dattvā ca bhaginīṃ yame

1.132.19

यमो ऽपि विजयामाह गृहस्था भव मे पुरे

yamo 'pi vijayāmāha gṛhasthā bhava me pure

1.132.19.2

नोद्घाटयान्य् अत्र गते यमे सा न तथाकरोत्

nodghāṭayāny atra gate yame sā na tathākarot

1.132.19.3

अपश्यन्मातरं स्वां सा पाशयातनया स्थिताम्

apaśyanmātaraṃ svāṃ sā pāśayātanayā sthitām

1.132.20

अथोद्विग्ना कोशिकोक्तं ज्ञात्वा मुक्तिप्रदं व्रतम्

athodvignā kośikoktaṃ jñātvā muktipradaṃ vratam

1.132.20.2

चक्रे च सा ततो मुक्ता माता तस्माच्चरेद्व्रतम्

cakre ca sā tato muktā mātā tasmāccaredvratam

1.132.21

व्रतपुण्यप्रभावेण स्वर्गं गत्वावसत्सुखम्

vratapuṇyaprabhāveṇa svargaṃ gatvāvasatsukham

1.132.22

इति श्रीगारुडे महापुराणे पूर्वखण्डे प्रथमांशाख्ये आचारकाण्डे बुधाष्टमीव्रतनिरूपणं नाम द्वात्रिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe budhāṣṭamīvratanirūpaṇaṃ nāma dvātriṃśaduttaraśatatamo 'dhyāyaḥ

1.133.1

ब्रह्मोवाच

brahmovāca

1.133.1.2

अशोककलिका ह्यष्टौ ये पिबन्ति पुनर्वसौ

aśokakalikā hyaṣṭau ye pibanti punarvasau

1.133.1.3

चैत्रे मासि सिताष्टम्यां न ते शोकमवाप्नुयुः

caitre māsi sitāṣṭamyāṃ na te śokamavāpnuyuḥ

1.133.2

त्वामशोक हराभीष्ट मधुमाससमुद्भव

tvāmaśoka harābhīṣṭa madhumāsasamudbhava

1.133.2.2

पिबामि शोकसंतप्तो मामशोकं सदा कुरु

pibāmi śokasaṃtapto māmaśokaṃ sadā kuru

1.133.3

ब्रह्मोवाच

brahmovāca

1.133.3.2

शुक्लाष्टम्यामाश्वयुजे उत्तराषाढया युता

śuklāṣṭamyāmāśvayuje uttarāṣāḍhayā yutā

Garuḍapurāṇa