1.138.54

अनञ्जनाच्च कुलजित् तस्यापि चाधिनेमिकः

anañjanācca kulajit tasyāpi cādhinemikaḥ

1.138.54.2

श्रुतायुस्तस्य पुत्रो ऽभूत्सुपार्श्वश्च तदात्मजः

śrutāyustasya putro 'bhūtsupārśvaśca tadātmajaḥ

1.138.55

सुपार्श्वात् सृंजयो जातः क्षेमारिः सृञ्जयात्स्मृतः

supārśvāt sṛṃjayo jātaḥ kṣemāriḥ sṛñjayātsmṛtaḥ

1.138.55.2

क्षेमारितस् त्वनेनाश्च तस्य रामरथः स्मृतः

kṣemāritas tvanenāśca tasya rāmarathaḥ smṛtaḥ

1.138.56

सत्यरथो रामरथात् तस्माद् उपगुरुः स्मृतः

satyaratho rāmarathāt tasmād upaguruḥ smṛtaḥ

1.138.56.2

उपगुरोरुपगुप्तः स्वागतश्चोपगुप्ततः

upagurorupaguptaḥ svāgataścopaguptataḥ

1.138.57

स्वनरः स्वागताज्जज्ञे सुवर्चास्तस्य चात्मजः

svanaraḥ svāgatājjajñe suvarcāstasya cātmajaḥ

1.138.57.2

सुवर्चसः सुपार्श्वस्तु सुश्रुतश्च सुपार्श्वतः

suvarcasaḥ supārśvastu suśrutaśca supārśvataḥ

1.138.58

जयस्तु सुश्रुताज्जज्ञे जयात्तु विजयो ऽभवत्

jayastu suśrutājjajñe jayāttu vijayo 'bhavat

1.138.58.2

विजयस्य ऋतः पुत्रः ऋतस्य सुनयः सुतः

vijayasya ṛtaḥ putraḥ ṛtasya sunayaḥ sutaḥ

1.138.59

सुनयाद्वीतहव्यस्तु वीतहव्याद्धृतिः स्मृतः

sunayādvītahavyastu vītahavyāddhṛtiḥ smṛtaḥ

1.138.59.2

बहुलाश्वो धृतेः पुत्रो बहुलाश्वात्कृतिः स्मृतः

bahulāśvo dhṛteḥ putro bahulāśvātkṛtiḥ smṛtaḥ

1.138.60

जनकस्य द्वये वंशे उक्तो योगसमाश्रयः

janakasya dvaye vaṃśe ukto yogasamāśrayaḥ

1.138.61

इति श्रीगारुडे महापुराणे पूर्वखण्डे प्रथमांशाख्ये आचारकाण्डे सूर्यवंशवर्णनं नामाष्टत्रिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe sūryavaṃśavarṇanaṃ nāmāṣṭatriṃśaduttaraśatatamo 'dhyāyaḥ

1.139.1

हरिरुवाच

hariruvāca

1.139.1.2

सूर्यस्य कथितो वंशः सोमवंशं शृणुष्व मे

sūryasya kathito vaṃśaḥ somavaṃśaṃ śṛṇuṣva me

1.139.1.3

नारायणसुतो ब्रह्मा ब्रह्मणो ऽत्रेः समुद्भवः

nārāyaṇasuto brahmā brahmaṇo 'treḥ samudbhavaḥ

1.139.2

अत्रेः सोमस्तस्य भार्या तारा सुरगुरोः प्रिया

atreḥ somastasya bhāryā tārā suraguroḥ priyā

1.139.2.2

सोमात्तारा बुधं जज्ञे बुधपुत्रः पुरूरवाः

somāttārā budhaṃ jajñe budhaputraḥ purūravāḥ

1.139.3

बुधपुत्रादथोर्वश्यां षट् पुत्रास्तु श्रुतात्मकः

budhaputrādathorvaśyāṃ ṣaṭ putrāstu śrutātmakaḥ

Garuḍapurāṇa