1.139.73.2

रोमपादो धर्मरथाच् चतुरङ्गस् तदात्मजः

romapādo dharmarathāc caturaṅgas tadātmajaḥ

1.139.74

पृथुलाक्षस्तस्य पुत्रश्चम्पो ऽभूत्पृथुलाक्षतः

pṛthulākṣastasya putraścampo 'bhūtpṛthulākṣataḥ

1.139.74.2

चम्पपुत्रश्च हर्यङ्गस्तस्य भद्ररथः सुतः

campaputraśca haryaṅgastasya bhadrarathaḥ sutaḥ

1.139.75

बृहत्कर्मा सुतस्तस्य बृहद्भानुस्ततो ऽभवत्

bṛhatkarmā sutastasya bṛhadbhānustato 'bhavat

1.139.75.2

बृहन्मना बृहद्भानोस् तस्य पुत्रो जयद्रथः

bṛhanmanā bṛhadbhānos tasya putro jayadrathaḥ

1.139.76

जयद्रथस्य विजयो विजयस्य धृतिः सुतः

jayadrathasya vijayo vijayasya dhṛtiḥ sutaḥ

1.139.76.2

धृतेर् धृतव्रतः पुत्रः सत्यधर्मा धृतव्रतात्

dhṛter dhṛtavrataḥ putraḥ satyadharmā dhṛtavratāt

1.139.77

तस्य पुत्रस्त्वधिरथः कर्णस्तस्य सुतो ऽभवत्

tasya putrastvadhirathaḥ karṇastasya suto 'bhavat

1.139.78

वृषसेनस्तु कर्णस्य पुरुवंश्याञ्छृणुष्व मे

vṛṣasenastu karṇasya puruvaṃśyāñchṛṇuṣva me

1.139.79

इति श्रीगारुडे महापुराणे पूर्वखण्डे प्रथमांशाख्ये आचारकाण्डे चन्द्रवंशवर्णनं नामैकोनचत्वारिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe candravaṃśavarṇanaṃ nāmaikonacatvāriṃśaduttaraśatatamo 'dhyāyaḥ

1.140.1

हरिरुवाच

hariruvāca

1.140.1.2

जनमेजयः पुरोश्चाभून्नमस्युर्जनमेजयात्

janamejayaḥ puroścābhūnnamasyurjanamejayāt

1.140.1.3

तस्य पुत्रश्चाभयदः सुद्युश्चाभयदादभूत्

tasya putraścābhayadaḥ sudyuścābhayadādabhūt

1.140.2

सुद्योर् बहुगतिः पुत्रः संजातिस्तस्य चात्मजः

sudyor bahugatiḥ putraḥ saṃjātistasya cātmajaḥ

1.140.2.2

वत्सजातिश्च संजातेः रौद्राश्वश्च तदात्मजः

vatsajātiśca saṃjāteḥ raudrāśvaśca tadātmajaḥ

1.140.3

ऋतेयुः स्थण्डिलेयुश्च कक्षेयुश्च कृतेयुकः

ṛteyuḥ sthaṇḍileyuśca kakṣeyuśca kṛteyukaḥ

1.140.3.2

जलेयुः संततेयुश्च रौद्राश्वस्य सुता वराः

jaleyuḥ saṃtateyuśca raudrāśvasya sutā varāḥ

1.140.4

रतिनार ऋतेयोश्च तस्य प्रतिरथः सुतः

ratināra ṛteyośca tasya pratirathaḥ sutaḥ

1.140.4.2

तस्य मेधातिथिः पुत्रस् तत्पुत्रश् चैनिलः स्मृतः

tasya medhātithiḥ putras tatputraś cainilaḥ smṛtaḥ

1.140.5

ऐनिलस्य तु दुष्यन्तो भरतस्तस्य चात्मजः

ainilasya tu duṣyanto bharatastasya cātmajaḥ

Garuḍapurāṇa