1.144.5

रक्षणायार्जुनादेश्च ह्यरिष्टादिर्निपातितः

rakṣaṇāyārjunādeśca hyariṣṭādirnipātitaḥ

1.144.5.2

केशी विनिहतो दैत्यो गोपाद्याः परितोषिताः

keśī vinihato daityo gopādyāḥ paritoṣitāḥ

1.144.6

चाणूरो मुष्टिको मल्लः कंसो मञ्चान्निपातितः

cāṇūro muṣṭiko mallaḥ kaṃso mañcānnipātitaḥ

1.144.6.2

रुक्मिणीसत्यभामाद्याः ह्यष्टौ पत्न्यो हरेः पराः

rukmiṇīsatyabhāmādyāḥ hyaṣṭau patnyo hareḥ parāḥ

1.144.7

षोडश स्त्रीसहस्राणि ह्यन्यान्यास महात्मनः

ṣoḍaśa strīsahasrāṇi hyanyānyāsa mahātmanaḥ

1.144.7.2

तासां पुत्राश्च पौत्राद्याः शतशो ऽथ सहस्रशः

tāsāṃ putrāśca pautrādyāḥ śataśo 'tha sahasraśaḥ

1.144.8

रुक्मिण्यां चैव प्रद्युम्नो न्यवधीच्छम्बरं च यः

rukmiṇyāṃ caiva pradyumno nyavadhīcchambaraṃ ca yaḥ

1.144.8.2

तस्य पुत्रो ऽनिरुद्धो ऽभूद् उषाबाणसुतापतिः

tasya putro 'niruddho 'bhūd uṣābāṇasutāpatiḥ

1.144.9

हरिशकरयोर् यत्र महायुद्धं बभूव

yatra mahāyuddhaṃ babhūva ha

1.144.9.2

बाणबाहुसहस्रं च छिन्नं बाहुद्वयं ह्यभूत्

bāṇabāhusahasraṃ ca chinnaṃ bāhudvayaṃ hyabhūt

1.144.10

नरको निहतो येन पारिजातं जहार यः

narako nihato yena pārijātaṃ jahāra yaḥ

1.144.10.2

बलश्च शिशुपालश्च हतश्च द्विविदः कपिः

balaśca śiśupālaśca hataśca dvividaḥ kapiḥ

1.144.11

अनिरुद्धादभूद्वज्रः स च राजा गते हरौ

aniruddhādabhūdvajraḥ sa ca rājā gate harau

1.144.11.2

संदीपनिं गुरुं चक्रे सपुत्रं च चकार सः

saṃdīpaniṃ guruṃ cakre saputraṃ ca cakāra saḥ

1.144.11.3

मथुरायां चोग्रसेनं पालनं च दिवौकसाम्

mathurāyāṃ cograsenaṃ pālanaṃ ca divaukasām

1.144.12

इति श्रीगारुडे महापुराणे पूर्वखण्डे प्रथमांशाख्ये आचारकाण्डे हरिवंशवर्णनं नाम चतुश्चात्वारिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe harivaṃśavarṇanaṃ nāma catuścātvāriṃśaduttaraśatatamo 'dhyāyaḥ

1.145.1

ब्रह्मोवाच

brahmovāca

1.145.1.2

भारतं सम्प्रवक्ष्यामि भारावतरणं भुवः

bhārataṃ sampravakṣyāmi bhārāvataraṇaṃ bhuvaḥ

1.145.1.3

चक्रे कृष्णो युध्यमानः पाण्डवादिनिमित्ततः

cakre kṛṣṇo yudhyamānaḥ pāṇḍavādinimittataḥ

1.145.2

विष्णुनाभ्यब्जतो ब्रह्मा ब्रह्मपुत्रो ऽत्रिरत्रितः

viṣṇunābhyabjato brahmā brahmaputro 'triratritaḥ

Garuḍapurāṇa