1.148.12.2

अनुबन्धि बलं यस्य शान्तपित्तनरस्य च

anubandhi balaṃ yasya śāntapittanarasya ca

1.148.13

कषायश्च हितस्तस्य मधुरा एव केवलम्

kaṣāyaśca hitastasya madhurā eva kevalam

1.148.13.2

कफमारुतसंस्पृष्टम् असाध्यम् उपनामनम्

kaphamārutasaṃspṛṣṭam asādhyam upanāmanam

1.148.14

असह्यं प्रतिलोमत्वादसाध्यादौषधस्य च

asahyaṃ pratilomatvādasādhyādauṣadhasya ca

1.148.14.2

न हि संशोधनं किंचिदस्य च प्रतिलोमिनः

na hi saṃśodhanaṃ kiṃcidasya ca pratilominaḥ

1.148.15

शोधनं प्रतिलोमं च रक्तपित्ते ऽभिसर्जितम्

śodhanaṃ pratilomaṃ ca raktapitte 'bhisarjitam

1.148.15.2

एवमेवोपशमनं संशोधनमिहेष्यते

evamevopaśamanaṃ saṃśodhanamiheṣyate

1.148.16

संसृष्टेषु हि दोषेषु सर्वथा छर्दनं हितम्

saṃsṛṣṭeṣu hi doṣeṣu sarvathā chardanaṃ hitam

1.148.16.2

तत्र दोषो ऽत्र गमनं शिवास्त्र इव लक्ष्यते

tatra doṣo 'tra gamanaṃ śivāstra iva lakṣyate

1.148.17

उपद्रवाश्च विकृतिं फलतस्तेषु साधितम्

upadravāśca vikṛtiṃ phalatasteṣu sādhitam

1.148.18

इति श्रीगारुडे महापुराणे पूर्वखण्डे प्रथमांशाख्ये आचारकाण्डे रक्तपित्तनिदानं नामाष्टचत्वारिंशदुत्तरशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe raktapittanidānaṃ nāmāṣṭacatvāriṃśaduttaraśatatamo 'dhyāyaḥ

1.149.1

धन्वन्तरिरुवाच

dhanvantariruvāca

1.149.1.2

आशुकारी यतः कासः स एवातः प्रवक्ष्यते

āśukārī yataḥ kāsaḥ sa evātaḥ pravakṣyate

1.149.1.3

पञ्च कासाः स्मृता वातपित्तश्लेष्मक्षतक्षयैः

pañca kāsāḥ smṛtā vātapittaśleṣmakṣatakṣayaiḥ

1.149.2

क्षयायोपेक्षिताः सर्वे बलिनश्चोत्तरोत्तरम्

kṣayāyopekṣitāḥ sarve balinaścottarottaram

1.149.2.2

तेषां भविष्यतां रूपं कण्ठे कण्डूररोचकः

teṣāṃ bhaviṣyatāṃ rūpaṃ kaṇṭhe kaṇḍūrarocakaḥ

1.149.3

शुष्ककर्णास्यकण्ठत्वं तत्राधोविहितो ऽनिलः

śuṣkakarṇāsyakaṇṭhatvaṃ tatrādhovihito 'nilaḥ

1.149.3.2

ऊर्ध्वं प्रवृत्तः प्राप्योरस् तस्मिन्कण्ठे च संसृजन्

ūrdhvaṃ pravṛttaḥ prāpyoras tasminkaṇṭhe ca saṃsṛjan

1.149.4

शिरास्रोतांसि सम्पूर्य ततो ऽङ्गान्युत्क्षिपन्ति च

śirāsrotāṃsi sampūrya tato 'ṅgānyutkṣipanti ca

1.149.4.2

क्षिपन्निवाक्षिणी क्लिष्टस्वरः पार्श्वे च पीडयन्

kṣipannivākṣiṇī kliṣṭasvaraḥ pārśve ca pīḍayan

Garuḍapurāṇa