1.168.50

एतैस्तैलानि सर्पोषि प्रलेपादलकां

etaistailāni sarpoṣi pralepādalakāṃ

1.168.50.2

क्वाथाच्चतुर्गुणं वारि पादस्थं स्याच्चतुर्गुणम्

kvāthāccaturguṇaṃ vāri pādasthaṃ syāccaturguṇam

1.168.51

स्नेहं च तत्समं क्षीरं कल्कश्च स्नेहपादकः

snehaṃ ca tatsamaṃ kṣīraṃ kalkaśca snehapādakaḥ

1.168.51.2

संवर्तितौषधैः पाको बस्तौ पाने भवेत्समः

saṃvartitauṣadhaiḥ pāko bastau pāne bhavetsamaḥ

1.168.51.3

खरो ऽभ्यङ्गे मृदुर्नस्ये पाको ऽपि सम्प्रकल्पयेत्

kharo 'bhyaṅge mṛdurnasye pāko 'pi samprakalpayet

1.168.52

स्थूलदेहेन्द्रियाश् चिन्त्या प्रकृतिर्या त्वधिष्ठिता

sthūladehendriyāś cintyā prakṛtiryā tvadhiṣṭhitā

1.168.52.2

आरोग्यमिति तं विद्यादायुष्मन्तमुपाचरेत्

ārogyamiti taṃ vidyādāyuṣmantamupācaret

1.168.53

यो गृह्णातीन्द्रियैरर्थान्विपरीतान्स मृत्युभाक्

yo gṛhṇātīndriyairarthānviparītānsa mṛtyubhāk

1.168.53.2

भिषङ्मित्रगुरुद्वेषी प्रियारातिश्च यो भवेत्

bhiṣaṅmitragurudveṣī priyārātiśca yo bhavet

1.168.54

गुल्फजानुललाटं च हनुर्गण्डस्तथैव च

gulphajānulalāṭaṃ ca hanurgaṇḍastathaiva ca

1.168.54.2

भ्रष्टं स्थानच्युतं यस्य स जहात्यचिरादसून्

bhraṣṭaṃ sthānacyutaṃ yasya sa jahātyacirādasūn

1.168.55

वामाक्षिमज्जनं जिह्वा श्यामा नासा विकारिणी

vāmākṣimajjanaṃ jihvā śyāmā nāsā vikāriṇī

1.168.55.2

कृष्णौ स्थानच्युतौ चोष्ठौ कृष्णास्यं यस्य तं त्यजेत्

kṛṣṇau sthānacyutau coṣṭhau kṛṣṇāsyaṃ yasya taṃ tyajet

1.168.56

इति श्रीगारुडे महापुराणे पूर्वखण्डे प्रथमांशाख्ये आचारकाण्डे वैद्यकशास्त्रपरिभाषा नामाष्टषष्ट्यधिकशततमो ऽध्यायः

iti śrīgāruḍe mahāpurāṇe pūrvakhaṇḍe prathamāṃśākhye ācārakāṇḍe vaidyakaśāstraparibhāṣā nāmāṣṭaṣaṣṭyadhikaśatatamo 'dhyāyaḥ

1.169.1

धन्वन्तरिरुवाच

dhanvantariruvāca

1.169.1.2

हिताहितविवेकाय अनुपानविधिं ब्रुवे

hitāhitavivekāya anupānavidhiṃ bruve

1.169.1.3

रक्तशालि त्रिदोषघ्नं तृष्णामेदोनिवारकम्

raktaśāli tridoṣaghnaṃ tṛṣṇāmedonivārakam

1.169.2

महाशालि परं वृष्यं कलमः श्लेष्मपित्तहा

mahāśāli paraṃ vṛṣyaṃ kalamaḥ śleṣmapittahā

1.169.2.2

शीतो गुरुस्त्रिदोषघ्नः प्रायशो गौरषष्टिकः

śīto gurustridoṣaghnaḥ prāyaśo gauraṣaṣṭikaḥ

1.169.3

श्यामाकः शोषणो रूक्षो वातलः श्लेष्मपित्तहा

śyāmākaḥ śoṣaṇo rūkṣo vātalaḥ śleṣmapittahā

Garuḍapurāṇa