Dharmalib

Kūrmapurāṇa

vaiṣṇava

Notable Lemmas:

sarva (761 Occurences)deva (523 Occurences)brahman (462 Occurences)

9941–9960 of 12213 verses

2.31.34

शार्दूलचर्मवसनं दिव्यमालासमन्वितम्

śārdūlacarmavasanaṃ divyamālāsamanvitam

2.31.34.2

त्रिशूलपाणिं दुष्प्रेक्ष्यं योगिनं भूतिभूषणम्

triśūlapāṇiṃ duṣprekṣyaṃ yoginaṃ bhūtibhūṣaṇam

2.31.35

यमन्तरा योगनिष्ठाः प्रपश्यन्ति हृदीश्वरम्

yamantarā yoganiṣṭhāḥ prapaśyanti hṛdīśvaram

2.31.35.2

तमादिदेवं ब्रह्माणं महादेवं ददर्श ह

tamādidevaṃ brahmāṇaṃ mahādevaṃ dadarśa ha

2.31.36

यस्य सा परमा देवी शक्तिराकाशसंस्थिता

yasya sā paramā devī śaktirākāśasaṃsthitā

2.31.36.2

सो ऽनन्तैश्वर्ययोगात्मा महेशो दृश्यते किल

so 'nantaiśvaryayogātmā maheśo dṛśyate kila

2.31.37

यस्याशेषजगद् बीजं विलयं याति मोहनम्

yasyāśeṣajagad bījaṃ vilayaṃ yāti mohanam

2.31.37.2

सकृत्प्रणाममात्रेण स रुद्रः खलु दृश्यते

sakṛtpraṇāmamātreṇa sa rudraḥ khalu dṛśyate

2.31.38

यो ऽथ नाचारनिरतान् स्वभक्तानेव केवलम्

yo 'tha nācāraniratān svabhaktāneva kevalam

2.31.38.2

विमोचयति लोकानां नायको दृश्यते किल

vimocayati lokānāṃ nāyako dṛśyate kila

2.31.39

यस्य वेदविदः शान्ता निर्द्वन्द्वा ब्रह्मचारिणः

yasya vedavidaḥ śāntā nirdvandvā brahmacāriṇaḥ

2.31.39.2

विदन्ति विमलं रूपं स शंभुर्दृश्यते किल

vidanti vimalaṃ rūpaṃ sa śaṃbhurdṛśyate kila

2.31.40

यस्य ब्रह्मादयो देवा ऋषयो ब्रह्मवादिनः

yasya brahmādayo devā ṛṣayo brahmavādinaḥ

2.31.40.2

अर्चयन्ति सदा लिङ्गं विश्वेशः खलु दृश्यते

arcayanti sadā liṅgaṃ viśveśaḥ khalu dṛśyate

2.31.41

यस्याशेषजगद् बीजं विलयं याति मोहनम्

yasyāśeṣajagad bījaṃ vilayaṃ yāti mohanam

2.31.41.2

सकृत्प्रणाममात्रेण स रुद्रः खलु दृश्यते

sakṛtpraṇāmamātreṇa sa rudraḥ khalu dṛśyate

2.31.42

विद्यासहायो भगवान् यस्यासौ मण्डलान्तरम्

vidyāsahāyo bhagavān yasyāsau maṇḍalāntaram

2.31.42.2

हिरण्यगर्भपुत्रो ऽसावीश्वरो दृश्यते किल

hiraṇyagarbhaputro 'sāvīśvaro dṛśyate kila

2.31.43

यस्याशेषजगत्सूतिर् विज्ञानतनुर् ईश्वरी

yasyāśeṣajagatsūtir vijñānatanur īśvarī

2.31.43.2

न मुञ्चति सदा पार्श्वं शङ्करो ऽसावदृश्यत

na muñcati sadā pārśvaṃ śaṅkaro 'sāvadṛśyata