Dharmalib

22281–22300 of 56499 verses

1.199.35.3

पौरवाणाम् अधिपतिः कुन्तीपुत्रो युधिष्ठिरः

pauravāṇām adhipatiḥ kuntīputro yudhiṣṭhiraḥ

1.199.35.4

कृतमङ्गलसत्कारो ब्राह्मणैर् वेदपारगैः

kṛtamaṅgalasatkāro brāhmaṇair vedapāragaiḥ

1.199.35.5

द्वैपायनं पुरस्कृत्य धौम्यस्यानुमते स्थितः

dvaipāyanaṃ puraskṛtya dhaumyasyānumate sthitaḥ

1.199.35.6

भ्रातृभिः सहितो राजन् केशवेन

bhrātṛbhiḥ sahito rājan keśavena

1.199.35.7

तोरणद्वारसुमुखां द्वात्रिंशद्द्वारसंयुताम्

toraṇadvārasumukhāṃ dvātriṃśaddvārasaṃyutām

1.199.35.8

वर्धमानपुरद्वारां प्रविवेश महाद्युतिः

vardhamānapuradvārāṃ praviveśa mahādyutiḥ

1.199.35.9

शङ्खदुन्दुभिनिर्घोषाः श्रूयन्ते बहवो भृशम्

śaṅkhadundubhinirghoṣāḥ śrūyante bahavo bhṛśam

1.199.35.10

जयेति ब्राह्मणगिरः श्रूयन्ते च सहस्रशः

jayeti brāhmaṇagiraḥ śrūyante ca sahasraśaḥ

1.199.35.11

संस्तूयमानो बहुभिः सूतमागधबन्दिभिः

saṃstūyamāno bahubhiḥ sūtamāgadhabandibhiḥ

1.199.35.12

औपवाह्यगतो राजा राजमार्गम् अतीत्य च

aupavāhyagato rājā rājamārgam atītya ca

1.199.35.13

कृतमङ्गलसत्कारं प्रविवेश गृहोत्तमम्

kṛtamaṅgalasatkāraṃ praviveśa gṛhottamam

1.199.35.14

प्रविश्य भवनं राजा सत्कारैर् अभिपूजितः

praviśya bhavanaṃ rājā satkārair abhipūjitaḥ

1.199.35.15

पूजयामास विप्रेन्द्रान् केशवेन यथाक्रमम्

pūjayāmāsa viprendrān keśavena yathākramam

1.199.35.16

ततस्तु राष्ट्रं ववृधे नरनारीगणायुतम्

tatastu rāṣṭraṃ vavṛdhe naranārīgaṇāyutam

1.199.35.17

गोधनैश्च समाकीर्णं सस्यवृद्धिस्तदाभवत्

godhanaiśca samākīrṇaṃ sasyavṛddhistadābhavat

1.199.35.18

मेघवृन्दम् इवाकाशे वृद्धं विद्युत्समावृतम्

meghavṛndam ivākāśe vṛddhaṃ vidyutsamāvṛtam

1.199.36

तत्र रम्ये शुभे देशे कौरव्यस्य निवेशनम्

tatra ramye śubhe deśe kauravyasya niveśanam

1.199.36.2

शुशुभे धनसम्पूर्णं धनाध्यक्षक्षयोपमम्

śuśubhe dhanasampūrṇaṃ dhanādhyakṣakṣayopamam

1.199.36.3

पौरवाणाम् अधिपतिः कुन्तीपुत्रो युधिष्ठिरः

pauravāṇām adhipatiḥ kuntīputro yudhiṣṭhiraḥ

1.199.36.4

कृतमङ्गलसत्कारो ब्राह्मणैर् वेदपारगैः

kṛtamaṅgalasatkāro brāhmaṇair vedapāragaiḥ