9.2

अग्निकेतुश्च दुर्धर्षो रश्मिकेतुश्च राक्षसः

agniketuśca durdharṣo raśmiketuśca rākṣasaḥ

9.2.2

इन्द्रजिच्च महातेजा बलवान् रावणात्मजः

indrajicca mahātejā balavān rāvaṇātmajaḥ

9.3

प्रहस्तो ऽथ विरूपाक्षो वज्रदंष्ट्रो महाबलः

prahasto 'tha virūpākṣo vajradaṃṣṭro mahābalaḥ

9.3.2

धूम्राक्षश्चातिकायश्च दुर्मुखश्चैव राक्षसः

dhūmrākṣaścātikāyaśca durmukhaścaiva rākṣasaḥ

9.4

परिघान् पट्टसान् प्रासाञ् शक्तिशूलपरश्वधान्

parighān paṭṭasān prāsāñ śaktiśūlaparaśvadhān

9.4.2

चापानि च सबाणानि खड्गांश्च विपुलाञ् शितान्

cāpāni ca sabāṇāni khaḍgāṃśca vipulāñ śitān

9.5

प्रगृह्य परमक्रुद्धाः समुत्पत्य च राक्षसाः

pragṛhya paramakruddhāḥ samutpatya ca rākṣasāḥ

9.5.2

अब्रुवन् रावणं सर्वे प्रदीप्ता इव तेजसा

abruvan rāvaṇaṃ sarve pradīptā iva tejasā

9.6

अद्य रामं वधिष्यामः सुग्रीवं च सलक्ष्मणम्

adya rāmaṃ vadhiṣyāmaḥ sugrīvaṃ ca salakṣmaṇam

9.6.2

कृपणं च हनूमन्तं लङ्का येन प्रधर्षिता

kṛpaṇaṃ ca hanūmantaṃ laṅkā yena pradharṣitā

9.7

तान् गृहीतायुधान् सर्वान् वारयित्वा विभीषणः

tān gṛhītāyudhān sarvān vārayitvā vibhīṣaṇaḥ

9.7.2

अब्रवीत् प्राञ्जलिर् वाक्यं पुनः प्रत्युपवेश्य तान्

abravīt prāñjalir vākyaṃ punaḥ pratyupaveśya tān

9.8

अप्युपायैस्त्रिभिस्तात यो ऽर्थः प्राप्तुं न शक्यते

apyupāyaistribhistāta yo 'rthaḥ prāptuṃ na śakyate

9.8.2

तस्य विक्रमकालांस्तान् युक्तान् आहुर् मनीषिणः

tasya vikramakālāṃstān yuktān āhur manīṣiṇaḥ

9.9

प्रमत्तेष्वभियुक्तेषु दैवेन प्रहतेषु च

pramatteṣvabhiyukteṣu daivena prahateṣu ca

9.9.2

विक्रमास्तात सिध्यन्ति परीक्ष्य विधिना कृताः

vikramāstāta sidhyanti parīkṣya vidhinā kṛtāḥ

9.10

अप्रमत्तं कथं तं तु विजिगीषुं बले स्थितम्

apramattaṃ kathaṃ taṃ tu vijigīṣuṃ bale sthitam

9.10.2

जितरोषं दुराधर्षं प्रधर्षयितुम् इच्छथ

jitaroṣaṃ durādharṣaṃ pradharṣayitum icchatha

9.11

समुद्रं लङ्घयित्वा तु घोरं नदनदीपतिम्

samudraṃ laṅghayitvā tu ghoraṃ nadanadīpatim

9.11.2

कृतं हनुमता कर्म दुष्करं तर्कयेत कः

kṛtaṃ hanumatā karma duṣkaraṃ tarkayeta kaḥ

Rāmāyaṇa