2.23.2

तं विराधे विमोक्ष्यामि वज्री वज्रम् इवाचले

taṃ virādhe vimokṣyāmi vajrī vajram ivācale

2.24

मम भुजबलवेगवेगितः पततु शरो ऽस्य महान् महोरसि

mama bhujabalavegavegitaḥ patatu śaro 'sya mahān mahorasi

2.24.2

व्यपनयतु तनोश् च जीवितं पततु ततश् च महीं विघूर्णितः

vyapanayatu tanoś ca jīvitaṃ patatu tataś ca mahīṃ vighūrṇitaḥ

3.1

अथोवाच पुनर् वाक्यं विराधः पूरयन् वनम्

athovāca punar vākyaṃ virādhaḥ pūrayan vanam

3.1.2

आत्मानं पृच्छते ब्रूतं कौ युवां क्व गमिष्यथः

ātmānaṃ pṛcchate brūtaṃ kau yuvāṃ kva gamiṣyathaḥ

3.2

तम् उवाच ततो रामो राक्षसं ज्वलिताननम्

tam uvāca tato rāmo rākṣasaṃ jvalitānanam

3.2.2

पृच्छन्तं सुमहातेजा इक्ष्वाकुकुलम् आत्मनः

pṛcchantaṃ sumahātejā ikṣvākukulam ātmanaḥ

3.3

क्षत्रियौ वृत्तसम्पन्नौ विद्धि नौ वनगोचरौ

kṣatriyau vṛttasampannau viddhi nau vanagocarau

3.3.2

त्वां तु वेदितुम् इच्छावः कस् त्वं चरसि दण्डकान्

tvāṃ tu veditum icchāvaḥ kas tvaṃ carasi daṇḍakān

3.4

तम् उवाच विराधस् तु रामं सत्यपराक्रमम्

tam uvāca virādhas tu rāmaṃ satyaparākramam

3.4.2

हन्त वक्ष्यामि ते राजन् निबोध मम राघव

hanta vakṣyāmi te rājan nibodha mama rāghava

3.5

पुत्रः किल जयस्याहं माता मम शतह्रदा

putraḥ kila jayasyāhaṃ mātā mama śatahradā

3.5.2

विराध इति माम् आहुः पृथिव्यां सर्वराक्षसाः

virādha iti mām āhuḥ pṛthivyāṃ sarvarākṣasāḥ

3.6

तपसा चापि मे प्राप्ता ब्रह्मणो हि प्रसादजा

tapasā cāpi me prāptā brahmaṇo hi prasādajā

3.6.2

शस्त्रेणावध्यता लोके ऽच्छेद्याभेद्यत्वम् एव च

śastreṇāvadhyatā loke 'cchedyābhedyatvam eva ca

3.7

उत्सृज्य प्रमदाम् एनाम् अनपेक्षौ यथागतम्

utsṛjya pramadām enām anapekṣau yathāgatam

3.7.2

त्वरमाणौ पालयेथां न वां जीवितम् आददे

tvaramāṇau pālayethāṃ na vāṃ jīvitam ādade

3.8

तं रामः प्रत्युवाचेदं कोपसंरक्तलोचनः

taṃ rāmaḥ pratyuvācedaṃ kopasaṃraktalocanaḥ

3.8.2

राक्षसं विकृताकारं विराधं पापचेतसम्

rākṣasaṃ vikṛtākāraṃ virādhaṃ pāpacetasam

3.9

क्षुद्र धिक् त्वां तु हीनार्थं मृत्युम् अन्वेषसे ध्रुवम्

kṣudra dhik tvāṃ tu hīnārthaṃ mṛtyum anveṣase dhruvam

Rāmāyaṇa