7.19.2

निष्क्रान्ताव् आश्रमाद् गन्तुम् उभौ तौ रामलक्ष्मणौ

niṣkrāntāv āśramād gantum ubhau tau rāmalakṣmaṇau

8.1

सुतीक्ष्णेनाभ्यनुज्ञातं प्रस्थितं रघुनन्दनम्

sutīkṣṇenābhyanujñātaṃ prasthitaṃ raghunandanam

8.1.2

वैदेही स्निग्धया वाचा भर्तारम् इदम् अब्रवीत्

vaidehī snigdhayā vācā bhartāram idam abravīt

8.2

अयं धर्मः सुसूक्ष्मेण विधिना प्राप्यते महान्

ayaṃ dharmaḥ susūkṣmeṇa vidhinā prāpyate mahān

8.2.2

निवृत्तेन च शक्यो ऽयं व्यसनात् कामजाद् इह

nivṛttena ca śakyo 'yaṃ vyasanāt kāmajād iha

8.3

त्रीण्य् एव व्यसनान्य् अत्र कामजानि भवन्त्य् उत

trīṇy eva vyasanāny atra kāmajāni bhavanty uta

8.3.2

मिथ्यावाक्यं परमकं तस्माद् गुरुतराव् उभौ

mithyāvākyaṃ paramakaṃ tasmād gurutarāv ubhau

8.3.3

परदाराभिगमनं विना वैरं च रौद्रता

paradārābhigamanaṃ vinā vairaṃ ca raudratā

8.4

मिथ्यावाक्यं न ते भूतं न भविष्यति राघव

mithyāvākyaṃ na te bhūtaṃ na bhaviṣyati rāghava

8.4.2

कुतो ऽभिलषणं स्त्रीणां परेषां धर्मनाशनम्

kuto 'bhilaṣaṇaṃ strīṇāṃ pareṣāṃ dharmanāśanam

8.5

तच् च सर्वं महाबाहो शक्यं वोढुं जितेन्द्रियैः

tac ca sarvaṃ mahābāho śakyaṃ voḍhuṃ jitendriyaiḥ

8.5.2

तव वश्येन्द्रियत्वं च जानामि शुभदर्शन

tava vaśyendriyatvaṃ ca jānāmi śubhadarśana

8.6

तृतीयं यद् इदं रौद्रं परप्राणाभिहिंसनम्

tṛtīyaṃ yad idaṃ raudraṃ paraprāṇābhihiṃsanam

8.6.2

निर्वैरं क्रियते मोहात् तच् च ते समुपस्थितम्

nirvairaṃ kriyate mohāt tac ca te samupasthitam

8.7

प्रतिज्ञातस् त्वया वीर दण्डकारण्यवासिनाम्

pratijñātas tvayā vīra daṇḍakāraṇyavāsinām

8.7.2

ऋषीणां रक्षणार्थाय वधः संयति

ṛṣīṇāṃ rakṣaṇārthāya vadhaḥ saṃyati

8.8

एतन्निमित्तं च वनं दण्डका इति विश्रुतम्

etannimittaṃ ca vanaṃ daṇḍakā iti viśrutam

8.8.2

प्रस्थितस् त्वं सह भ्रात्रा धृतबाणशरासनः

prasthitas tvaṃ saha bhrātrā dhṛtabāṇaśarāsanaḥ

8.9

ततस् त्वां प्रस्थितं दृष्ट्वा मम चिन्ताकुलं मनः

tatas tvāṃ prasthitaṃ dṛṣṭvā mama cintākulaṃ manaḥ

8.9.2

त्वद्वृत्तं चिन्तयन्त्या वै भवेन् निःश्रेयसं हितम्

tvadvṛttaṃ cintayantyā vai bhaven niḥśreyasaṃ hitam

Rāmāyaṇa