7.2.2

सामर्थ्यं विक्रमं वापि दौष्कुलेयस्य वा कुलम्

sāmarthyaṃ vikramaṃ vāpi dauṣkuleyasya vā kulam

7.3

सत्यं तु प्रतिजानामि त्यज शोकम् अरिंदम

satyaṃ tu pratijānāmi tyaja śokam ariṃdama

7.3.2

करिष्यामि तथा यत्नं यथा प्राप्स्यसि मैथिलीम्

kariṣyāmi tathā yatnaṃ yathā prāpsyasi maithilīm

7.4

रावणं सगणं हत्वा परितोष्यात्मपौरुषम्

rāvaṇaṃ sagaṇaṃ hatvā paritoṣyātmapauruṣam

7.4.2

तथास्मि कर्ता नचिराद् यथा प्रीतो भविष्यसि

tathāsmi kartā nacirād yathā prīto bhaviṣyasi

7.5

अलं वैक्लव्यम् आलम्ब्य धैर्यम् आत्मगतं स्मर

alaṃ vaiklavyam ālambya dhairyam ātmagataṃ smara

7.5.2

त्वद्विधानां न सदृशम् ईदृशं बुद्धिलाघवम्

tvadvidhānāṃ na sadṛśam īdṛśaṃ buddhilāghavam

7.6

मयापि व्यसनं प्राप्तं भार्याहरणजं महत्

mayāpi vyasanaṃ prāptaṃ bhāryāharaṇajaṃ mahat

7.6.2

न चाहम् एवं शोचामि न च धैर्यं परित्यजे

na cāham evaṃ śocāmi na ca dhairyaṃ parityaje

7.7

नाहं ताम् अनुशोचामि प्राकृतो वानरो ऽपि सन्

nāhaṃ tām anuśocāmi prākṛto vānaro 'pi san

7.7.2

महात्मा च विनीतश् च किं पुनर् धृतिमान् भवान्

mahātmā ca vinītaś ca kiṃ punar dhṛtimān bhavān

7.8

बाष्पम् आपतितं धैर्यान् निग्रहीतुं त्वम् अर्हसि

bāṣpam āpatitaṃ dhairyān nigrahītuṃ tvam arhasi

7.8.2

मर्यादां सत्त्वयुक्तानां धृतिं नोत्स्रष्टुम् अर्हसि

maryādāṃ sattvayuktānāṃ dhṛtiṃ notsraṣṭum arhasi

7.9

व्यसने वार्थकृच्छ्रे वा भये वा जीवितान्तगे

vyasane vārthakṛcchre vā bhaye vā jīvitāntage

7.9.2

विमृशन् वै स्वया बुद्ध्या धृतिमान् नावसीदति

vimṛśan vai svayā buddhyā dhṛtimān nāvasīdati

7.10

बालिशस् तु नरो नित्यं वैक्लव्यं यो ऽनुवर्तते

bāliśas tu naro nityaṃ vaiklavyaṃ yo 'nuvartate

7.10.2

स मज्जत्य् अवशः शोके भाराक्रान्तेव नौर् जले

sa majjaty avaśaḥ śoke bhārākrānteva naur jale

7.11

एषो ऽञ्जलिर् मया बद्धः प्रणयात् त्वां प्रसादये

eṣo 'ñjalir mayā baddhaḥ praṇayāt tvāṃ prasādaye

7.11.2

पौरुषं श्रय शोकस्य नान्तरं दातुम् अर्हसि

pauruṣaṃ śraya śokasya nāntaraṃ dātum arhasi

7.12

ये शोकम् अनुवर्तन्ते न तेषां विद्यते सुखम्

ye śokam anuvartante na teṣāṃ vidyate sukham

Rāmāyaṇa