7.22.2

राघवस्य वचः श्रुत्वा प्रतिज्ञातं विशेषतः

rāghavasya vacaḥ śrutvā pratijñātaṃ viśeṣataḥ

7.23

महानुभावस्य वचो निशम्य हरिर् नराणाम् ऋषभस्य तस्य

mahānubhāvasya vaco niśamya harir narāṇām ṛṣabhasya tasya

7.23.2

कृतं स मेने हरिवीरमुख्यस् तदा स्वकार्यं हृदयेन विद्वान्

kṛtaṃ sa mene harivīramukhyas tadā svakāryaṃ hṛdayena vidvān

8.1

परितुष्टस् तु सुग्रीवस् तेन वाक्येन वानरः

parituṣṭas tu sugrīvas tena vākyena vānaraḥ

8.1.2

लक्ष्मणस्याग्रजं रामम् इदं वचनम् अब्रवीत्

lakṣmaṇasyāgrajaṃ rāmam idaṃ vacanam abravīt

8.2

सर्वथाहम् अनुग्राह्यो देवतानाम् असंशयः

sarvathāham anugrāhyo devatānām asaṃśayaḥ

8.2.2

उपपन्नगुणोपेतः सखा यस्य भवान् मम

upapannaguṇopetaḥ sakhā yasya bhavān mama

8.3

शक्यं खलु भवेद् राम सहायेन त्वयानघ

śakyaṃ khalu bhaved rāma sahāyena tvayānagha

8.3.2

सुरराज्यम् अपि प्राप्तुं स्वराज्यं किं पुनः प्रभो

surarājyam api prāptuṃ svarājyaṃ kiṃ punaḥ prabho

8.4

सो ऽहं सभाज्यो बन्धूनां सुहृदां चैव राघव

so 'haṃ sabhājyo bandhūnāṃ suhṛdāṃ caiva rāghava

8.4.2

यस्याग्निसाक्षिकं मित्रं लब्धं राघववंशजम्

yasyāgnisākṣikaṃ mitraṃ labdhaṃ rāghavavaṃśajam

8.5

अहम् अप्य् अनुरूपस् ते वयस्यो ज्ञास्यसे शनैः

aham apy anurūpas te vayasyo jñāsyase śanaiḥ

8.5.2

न तु वक्तुं समर्थो ऽहं स्वयम् आत्मगतान् गुणान्

na tu vaktuṃ samartho 'haṃ svayam ātmagatān guṇān

8.6

महात्मनां तु भूयिष्ठं त्वद्विधानां कृतात्मनाम्

mahātmanāṃ tu bhūyiṣṭhaṃ tvadvidhānāṃ kṛtātmanām

8.6.2

निश्चला भवति प्रीतिर् धैर्यम् आत्मवताम् इव

niścalā bhavati prītir dhairyam ātmavatām iva

8.7

रजतं वा सुवर्णं वा वस्त्राण्य् आभरणानि वा

rajataṃ vā suvarṇaṃ vā vastrāṇy ābharaṇāni vā

8.7.2

अविभक्तानि साधूनाम् अवगच्छन्ति साधवः

avibhaktāni sādhūnām avagacchanti sādhavaḥ

8.8

आढ्यो वापि दरिद्रो वा दुःखितः सुखितो ऽपि वा

āḍhyo vāpi daridro vā duḥkhitaḥ sukhito 'pi vā

8.8.2

निर्दोषो वा सदोषो वा वयस्यः परमा गतिः

nirdoṣo vā sadoṣo vā vayasyaḥ paramā gatiḥ

8.9

धनत्यागः सुखत्यागो देहत्यागो ऽपि वा पुनः

dhanatyāgaḥ sukhatyāgo dehatyāgo 'pi vā punaḥ

Rāmāyaṇa